Máselen, birinshi jartyjyldyqta bosandyrý aqysyna 19 mlrd 244 mln teńge tólendi. Bul somanyń 70%-dan astamy MÁMS paketiniń qarajaty, al 26%-y tegin medısınalyq kómektiń kepildik berilgen kólemi esebinen tólendi. Birinshi jartyjyldyqta elimizdegi medısınalyq uıymdarda TMKKK pen MÁMS aıasynda 185 myń áıel bosandy, onyń 34 myńy aýyr jaǵdaıda bosandy.
Medısınalyq uıymdardaǵy bosaný quny bosanýdyń aýyrlyǵyna jáne qosymsha aýrýlarǵa baılanysty 85-100 myń teńgege deıin baǵalanady. Jedel kómek kórsetilse tarıf qosymsha aýrýlardyń aýyrlyǵyna baılanysty 153-ten 230 myń teńgege deıin jetedi. Sondaı-aq bosanýy qıyn bolǵan analarǵa jasalǵan operasııanyń aqysyn da Qor tóleıdi, mundaı jaǵdaıda bir naýqastyń eminiń quny 579 myń teńge bolady. Deni saý týǵan nárestege arnalǵan medısınalyq kómek bosandyrý shyǵystaryna kiredi.
Eger balaǵa qosymsha medısınalyq kómek qajet bolsa, ol da tegin kórsetiledi, óıtkeni 18 jasqa deıingi balalar memleket tarapynan qorǵalady jáne memleket jarnasyn tóleıtin 15 jeńildik sanatyna kiredi. Jeńildik jasalǵan sanattarǵa júkti áıelder, 3 jasqa tolmaǵan balalardy kútetin dekrettik demalystaǵy áıelder kiredi.
1 tamyzdan bastap Qazaqstanda josparly medısınalyq kómek kórsetý qaıta bastalady. Birinshi kezekte KVI-men kúres jónindegi is-sharalarǵa tartylmaǵan stasıonarlardy kezeń-kezeńimen qosa otyryp, respýblıkalyq deńgeıdegi mamandandyrylǵan klınıkalarǵa josparly emdeýge jatqyzý qalpyna keltiriledi. Sonymen qatar karantın kezinde medısınalyq uıymdardyń bir bóligi onkologııalyq aýrýlarmen aýyratyn naýqastarǵa, gemodıalızdegi pasıentterge, sondaı-aq bosanǵan áıelderge shuǵyl jáne jedel kómek kórsete otyryp, shtattyq rejimde jumysyn jalǵastyrdy.
Medısınalyq saqtandyrý qory saqtandyrylý mártebesin anyqtaý, medısınalyq uıymdardaǵy kómek kórsetýden bas tartqandarǵa qatysty suraqtar týǵan jaǵdaıda, pasıentter 1406 baılanys ortalyǵyna shaǵymdanyp, sondaı-aq Qoldau24\7 mobıldi qosymshasynda ótinish, usynys qaldyra alady.
