Taraptar eki el arasyndaǵy temirjol jáne avtomobıl tasymalyna qatysty ózekti máselelerdi jáne ótkizý beketterindegi jaǵdaıdy talqylady.
"Sondaı-aq shekara ótkelderinde júk avtokólikterin ótkizýdi arttyrý jáne Dostyq-Alashankoý halyqaralyq aralyǵynda júk vagondaryn tehnologııalyq óńdeýdi kúsheıtý jaıy sóz boldy. Bıylǵy 6 aıdyń qorytyndysynda "Bir beldeý – bir jol" Jibek joly baǵytymen tranzıttik konteınerlik tasymaldaý kólemi 64% artty. Dostyq-Alashankoý shekara ótkeli arqyly júk tasymaly 22%, Altynkól – Qorǵas arqyly 58% ulǵaıdy", - delingen habarlamada.
Jalpy bıyl birinshi jarty jyldyqta eki el arasyndaǵy temirjol júk tasymalynyń kórsetkishi 30% artty. Buǵan koronavırýs pandemııasyna qatysty jaǵdaıdan keıin Qytaı ekonomıkasynyń qalpyna kelýi oń yqpal etti.
