Aımaqtar • 03 Tamyz, 2020

Oralda jańartylǵan kópir qaıta ashyldy

22 ret kórsetildi

Oral qalasynda «Omega» zaýyty aýmaǵyndaǵy kópir 2018 jyldyń qarasha aıynda kúrdeli jóndeý úshin jabylǵan bolatyn. Qurylysy dál 21 aıǵa sozylǵan kópir ótken jeksenbi kúni qalalyqtardyń ıgiligine qaıta berildi, dep habarlaıdy Egemen.kz

Áý basta 1978 jyly salynǵan bul «Omega» kópiri sol kezden beri kúrdeli jóndeý kórmeı, ábden apatty jaǵdaıǵa kelgen bolatyn. Ony jóndeýge Qarashyǵanaq Petroleým Opereıtıng b.v. alıansynan jyl saıyn oblystyń áleýmettik muqtajyna bólinetin qarjydan 5,2 mlrd teńge bólindi. Merdiger «KA-STROI LTD» kompanııasy jalpy uzyndyǵy 988 metrlik, eni 20,6 metrlik bul kópirdi jańadan saldy dese de bolady. Burynǵy kópir túgel qıratylyp alynyp, jańadan 140 tireý soǵyldy. Qurylys kezinde jańa tehnologııa qoldanylyp, uzyndyǵy 24, 33 metrlik beldeý salyndy. Jańa kópirmen júrip ótip, qurylysty qabyldap alǵan óńir basshysy Ǵalı Esqalıev qurylysshylarǵa silteme jasap: «bul kópir endi 50, tipti, 100 jylǵa shydas beredi!» dep málimdedi.

Jańa kópirdiń qaıta ashylǵanyna Oraldyń keminde 120 myń turǵyny erekshe qýanǵany anyq. О́ıtkeni osy kópir jóndeýge jabylǵaly beri Omega aýdany, Derkól men Seleksıonnyı aýyly turǵyndary qalanyń ortalyǵyna jetý úshin talaı jerdi aınalatyn. Bul ásirese koronavırýs tıtyqtatqan bıylǵy kezde anyq bilindi. Bul arany jalǵaıtyn №7 avtobýs buryn 25 mınýtta júrip ótetin araqashyqtyq endi 1 saǵat 20 mınýtqa uzaryp ketti. Mine, endi avtobýs baǵyttary jańa kópir arqyly burynǵy úırenshikti jolymen júre bastady.

Ákimniń aıtýynsha, kópir qurylysynyń 85%-yna qazaqstandyq qurylys materıaldary paıdalanylǵan.

Aıtpaqshy, elimizde tamyz aıynyń birinshi jeksenbisi – kólik qatynasy salasy qyzmetkerleriniń kásibı merekesi. Jańa kópirdiń ashylýy osy merekege jasalǵan tartýdaı boldy.

 Sýretti túsirgen Rafhat HALELOV

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar