Qazirgi kezde Qurlyqtyq hokkeı lıgasynyń (QHL) jaǵdaıy kóptegen jankúıerlerdi alańdatýda. Negizi 2020/2011 jylǵy maýsymnyń shymyldyǵy 2 qyrkúıekte túrilýge tıis. Reglamentke saı týrnırdiń bastalýyna 45 kún qalǵanda jarystyń kúntizbesi jarııalanýy kerek edi. Alaıda QHL-da kúsh synasyp júrgen keıbir sheteldik klýbtarǵa áli vıza berilgen joq. Solardyń qatarynda Nur-Sultannyń «Barysy» da bar. Qazaqstandyqtardan bólek, Rıganyń «Dınamosy», Fınlıandııanyń «Iokerıti» jáne Qytaıdyń «Kýnlýn Red Star» klýbtary da dál sondaı jaǵdaıǵa dýshar bolyp otyr. Qazirgi kezde QHL-dyń basshylyǵy osy máseleni qalaı ońtaıly sheshemiz dep bas qatyryp álek. Al onsyz kúntizbe jasaý múmkin emes.
Joǵarydaǵy keleńsiz jaǵdaı aıtýly hokkeı lıgasynyń bedeline eleýli nusqan keltirip otyr. Árıne, QHL dodasyn sheteldik komandalarsyz-aq ótkizýge bolady. Alaıda odan aıtýly jarystyń deńgeıi edáýir tómendep, jankúıerlerdiń qyzyǵýshylyǵy kúrt kemıtini anyq.
