Aımaqtar • 03 Tamyz, 2020

Dárini qymbatqa satqandar ustaldy

26 ret kórsetildi

Batys Qazaqstan oblyynda dárilik zattardy zańsyz satý, baǵasyn ósirý faktisi áli de kezdesip otyr dep habarlaıdy Egemen.kz.

 

Qazaqstan Respýblıkasy Qarjy mınıstrligi Qarjy monıtorıngi komıtetiniń Batys Qazaqstan oblysy boıynsha ekonomıkalyq tergeý departamentiniń qyzmetkerleri jedel-izdestirý is-sharalaryn júrgizý barysynda dári-dármekti joǵary baǵamen zańsyz satqan eki oqıǵany anyqtaǵan.

Onyń birinde Oral qalasynyń turǵyny dári-dármekterdi Qazaqstan Respýblıkasynyń ýákiletti organynyń ruqsatynsyz satqan. Odan jalpy quny 128 000 teńgeni quraıtyn «Seftrıakson» jáne «Ledokaın» dári-dármekteri tabylyp, tárkilendi.

Ekinshi oqıǵada Oraldaǵy dárihanalardyń biri «Inflıýsıd» preparatyna belgilengen baǵa - 2571 teńge bolǵanyna qaramastan, Qazaqstan Respýblıkasy Densaýlyq saqtaý mınıstrliginiń 15.07.2019 jylǵy buıryǵyn buzyp, dárini 3500 teńgege satqan.

Osy oqıǵalar boıynsha hattama toltyrylyp, jınalǵan materıaldar Batys Qazaqstan oblystyq taýarlar men qyzmetterdiń sapasyn baqylaý jáne baqylaý bólimine jiberildi. Kináliler ákimshilik jaýapkershilikke tartylatyn bolady.

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar