Aımaqtar • 04 Tamyz, 2020

Májilis depýtattary aýyl turǵyndaryn jumyspen qamtý máselelerin talqylady

40 ret kórsetildi

Májilis depýtattary Balaıym Kesebaeva men Abzal Eralıev Qyzylorda oblysy Shıeli aýdanynyń turǵyndarymen kezdesti.

Sapar barysynda májilismender halyqty jumyspen qamtý, memlekettik baǵdarlamalardy iske asyrý jáne koronavırýstyq ınfeksııanyń taralýymen kúres máselelerine nazar aýdardy.

Aýdan turǵyndarymen áńgimelesken depýtattar koronavırýs indeti oryn alǵan qıyn kezeńde shaǵyn jáne orta kásipkerlikti qoldaý, azamattardy áleýmettik qorǵaý jáne jumyspen qamtý máseleleri el basshylyǵy men depýtattardyń erekshe baqylaýda ekenin atap ótti. Depýtattar Shıeli aýdanynda temir jol arqyly ótetin joldyń qurylys alańynda boldy, búginde onda 160-tan astam adam jumys isteýde. Jergilikti turǵyndardyń aıtýynsha, jańadan qurylysy júrgizilip jatqan kópir jol poıyzdar qozǵalysy kezinde ótkeldegi keptelis máselesin sheshedi. Merdigerler nysandy 10 jeltoqsanǵa deıin paıdalanýǵa berýdi josparlap otyr.

Sonymen qatar, Shıeli aýdanynyń Kókshoqy yqsham aýdanyna barǵan depýtattar aýla aýmaqtaryn abattandyrýmen aınalysatyn "Shıeli jolshy" JShS-nyń jumysshylarymen kezdesti. Búgingi tańda kásiporynda 20 adam jumys isteýde.Olardyń 10-y jumyspen qamtý ortalyǵy arqyly jumysqa ornalastyrylǵan. Jalpy, oblysta "Jumyspen qamtýdyń jol kartasy" baǵdarlamasy boıynsha 21 joba júzege asyrylyp, onyń aıasynda 700-den astam adamdy jumyspen qamtý josparlanǵan. Sondaı-aq, depýtattar B.Kesebaeva men A.Eralıev aýdanaralyq aýrýhana men provızorlyq ortalyqqa baryp, koronavırýspen kúresý sharalarymen tanysty. Dárigerlerdiń aıtýynsha, qazir aýdandaǵy epıdemıologııalyq jaǵdaı turaqtalǵan. Alǵashqy kúnderi aýrýhanaǵa 100-den astam naýqas túsken. Búginde juqpaly aýrýlar aýrýhanasynda 39, al provızorlyq ortalyqta 35 naýqas em qabyldaýda. Osy rette, dárigerler 80 myń halqy bar aýdanda koronavırýstyq pnevmonııa dıagnozynda negizgi bolyp sanalatyn ókpeniń birde-bir tomografııalyq apparaty joq ekenin atap ótti. Sonymen qatar, dárigerler aýdanda qaýipti ınfeksııany anyqtaıtyn jeke zerthananyń joqtyǵyn, sondaı-aq, aýdandaǵy juqpaly aýrýlar aýrýhanasynyń jańa ǵımaratynyń salynýyna depýtattardyń yqpal etýin surady.

Aýyl dárigerleriniń tilekteri men usynystaryn tyńdaǵan Májilis depýtattary Úkimetke tıisti saýaldar jiberip, olardy tezirek sheshý úshin sharalar qabyldaıtyndyqtaryn aıtty. Odan ári depýtattardyń oblystaǵy basqa da eldi mekenderge barýy josparlanǵan. Ol eń aldymen, medısına jáne densaýlyq saqtaý salasyndaǵy áleýmettik máselelerdi anyqtaýǵa jáne jedel sheshýge baǵyttalǵan.

Sońǵy jańalyqtar

«Barystyń» alǵashqy transferi

Hokkeı • Búgin, 08:50

Gala-baletter: bı kórkemdigi

О́ner • Búgin, 08:44

Ǵasyrlardy toǵystyrǵan ǵajaıyp

О́ner • Búgin, 08:40

Kómir baıytý fabrıkasy iske qosyldy

Aımaqtar • Búgin, 08:38

«Án» be, «ún» be?

Rýhanııat • Búgin, 08:36

Jýrnalıst Qasym

Rýhanııat • Búgin, 08:34

Sóz soıyl: Ázil-ospaq

Rýhanııat • Búgin, 08:32

Sóz soıyl: Táýbeli maqal-mátel

Tanym • Búgin, 08:27

Dalalyq órkenıet taǵylymy

Tarıh • Búgin, 08:23

Balaǵa meıirin tókken polıseı

Qoǵam • Búgin, 08:21

Balabaqshanyń joǵynan bary jaqsy

Aımaqtar • Búgin, 08:18

Kásipke baýlý – qasıetti borysh

Aımaqtar • Búgin, 08:16

Aty-jónimizge abaı bolaıyq

Qoǵam • Búgin, 08:14

Úı ishindegi úılesim

Pikir • Búgin, 08:06

Qoı baqqan ozar...

Aımaqtar • Búgin, 08:03

Halyqaralyq qujattar qabyldandy

Qazaqstan • Búgin, 07:58

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar