Úkimet • 05 Tamyz, 2020

A. Mamınge "SQ-Farmasııa" COVID-19-ben kúresýde dári-dármektermen qamtý sharalary týraly baıandady

38 ret kórsetildi

QR Premer-Mınıstri Asqar Mamın Nur-Sultan qalasyndaǵy «SQ-Farmasııa» logıstıkalyq habyna baryp, onda COVID-19-dan emdeýge arnalǵan dárilerdiń bar-joǵymen jáne QR densaýlyq saqtaý mekemelerin medısınalyq dári-dármektermen qamtamasyz etý boıynsha qabyldanyp jatqan sharalarmen tanysty.

Densaýlyq saqtaý mınıstri A. Soı men "SQ-Farmasııa" basqarma tóraǵasy E. Esqalıev aýrýhanalar men provızorlyq ortalyqtardy dári-dármekpen qamtamasyz etý úshin dárilik preparattardyń 91 ataýy jetkiziletinin baıandady. О́tken aıda medısınalyq preparattar óńirler boıynsha 8,7 mlrd teńgege bólindi. Aýrýhanalardyń qajettilikterin qamtamasyz etý úshin jedel túrde qosymsha dári-dármekter satyp alyndy, emdelýshiler ambýlatorııalyq deńgeıde tegin ala alatyn dári-dármekter tizimi keńeıtildi (parasetamol, ıbýprofen, rıvaroksaban, dabıgatran jáne apıksaban engizildi).

COVID-19-dyń ekinshi tolqyny bastalatyn jaǵdaı oryn alsa, kompanııada 24 mlrd teńge somasyna eki aılyq dári-dármek qory qurylýda, sondaı-aq karantın kezeńinde jekemenshik dárihanalardy naryq óz betinshe tolyqtyra almaıtyn 19 tapshy dári-dármekpen jabdyqtaý máselesi pysyqtalyp jatyr. "SQ-Farmasııa" olardy qalalar men aýyldyq eldi mekenderdegi ár dárihanaǵa deıin tolyq jetkizedi.

Úkimet basshysyna kompanııanyń logıstıkasyn jaqsartý sharalary týraly baıandaldy: josparly reıster sany 1,7 esege artty, tıeý merzimi 2 aptadan 1 aptaǵa deıin qysqartyldy, taýarlardy habtardan óńirlerge bólý Cross-docking qaǵıdaty boıynsha júzege asyrylady, al qoımalardyń jumysy 24/7 rejımine kóshirildi.

Premer-Mınıstr óńirlerge dári-dármekterdiń tıelýin erekshe baqylaýǵa alýdy, kúzgi-qysqy maýsymda COVID-19-dan emdeý úshin barlyq qajetti medısınalyq preparattardyń bolýyn qamtamasyz etýdi, dári-dármekterge qajettilik artqan jaǵdaıda shuǵyl áreket etýdi, sondaı-aq bólshek saýda sektoryn tapshy dári-dármekpen tolyqtyrý boıynsha tapsyrmany oryndaýdy qamtamasyz etýdi tapsyrdy.

Medısınalyq ónimder men dárilik preparattardy otandyq óndirýshilerdi qoldaý boıynsha júıeli sharalardy qabyldaý qajettigine erekshe nazar aýdaryldy. 

"SQ-Farmasııa" logıstıkalyq habyn aralaýǵa Premer-Mınıstrdiń orynbasary E. Toǵjanov, ındýstrııa jáne ınfraqurylymdyq damý mınıstri B. Atamqulov, densaýlyq saqtaý mınıstri A. Soı, densaýlyq saqtaý vıse-mınıstri L. Bıýrabekova qatysty. 

Sońǵy jańalyqtar

Bar úmitimiz Almat Kebisbaevta

Sport • Búgin, 16:45

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar