Aımaqtar • 05 Tamyz, 2020

Shymkentte Azııadaǵy eń iri ámbebap atý kesheni salynyp jatyr

754 ret

kórsetildi

1 mın

oqý úshin

Shymkent qalasynda "SHOOTING PLAZA" ámbebap atý kesheniniń qurylysy boıynsha aýqymdy joba júzege asyrylýda. Bul jóninde qalalyq dene shynyqtyrý jáne sport basqarmasy habarlady.

Nurshat TО́KEN

Shymkentte Azııadaǵy eń iri ámbebap atý kesheni salynyp jatyr

Keshen qurylysy aıaqtalǵannan keıin Shymkentte atý sporty túrlerinen halyqaralyq deńgeıdegi sporttyq jarystar ótkizý múmkin bolmaq.

Mamandardyń aıtýynsha, "SHOOTING PLAZA" kesheni burynǵy Komsomol kóli aýdanyndaǵy "Batys Eýropa – Batys Qytaı" halyqaralyq avtojolyna jaqyn jerde atý alańy aýmaǵynda ornalasqan. Jalpy aýdany 14 gektardy quraıdy. Nysan osy jyldyń qazan aıynda paıdalanýǵa beriledi dep josparlanǵan.

"SHOOTING PLAZA" - jobasy tolyqqandy jattyǵý kezeńin uıymdastyrý jáne atý sporty túrleri boıynsha Álem chempıonattary sekildi iri sporttyq is-sharalardy ótkizý úshin barlyq qajetti ınfraqurylymmen qamtamasyz etiledi.
Sport kesheni Azııa aımaǵyndaǵy eń iri atý kesheni bolatynyn aıta ketý kerek. Jobanyń qurylysy atý sportyn odan ári damytýǵa úlesin qosady.

"SHOOTING PLAZA" qurylysy - Halyqaralyq sporttyq atý Federasııasy men Azııa atý konfederasııasynyń uzaq merzimdi yntymaqtastyǵynyń nátıjesi.

Aıta keteıik, atý sportynyń júırikteri Tokıodaǵy XXXII jazǵy Olımpıada oıyndaryna alǵashqy eki lısenzııany jeńip aldy. Búgingi tańda atý sport túrinen Qazaqstan ulttyq qurama komandasynyń negizgi quramynyń 60 paıyzy Shymkentte turady.