О́zim Qyzylorda oblysy Jalaǵash kentiniń turǵynymyn. Jasym jetpisten asyp barady. Aıaq astynan dem jetpeı, eki ókpem qysyp, osy aýdandaǵy «Mádenıet» aýylynan ashylǵan provızorlyq ortalyqqa esimdi bilmeı túsippin. Áýelgide 5 kún boıy jansaqtaý bóliminde jattym. Reanımatolog Tımýr Badjanov, Nurbolat Tájmahanov bastaǵan dárigerler men meıirbıkelerdiń arqasynda az kúnde jalpy palataǵa shyqtym.
Kóterilgen qyzý tústi, boıymdy tiktep jan-jaǵyma qaraıtyn jaǵdaıǵa jettim. Osydan keıin de 10 kúndeı dárigerlerdiń baqylaýynda boldym. Basyn qaterge tige júrip qyzmet etip, janyna aýrý batyp kelgen ár adamǵa jyly sózimen dem, dárimen em bergen aýyldyq aýrýhana ujymyna – Gúlsim Kaıýpova, Jambyl Ábilqasymov, Batyr Iskendirov, Nurbolat Almaǵanbetov, Jasulan Saqypbek, Bekzat Altynbek, Raısa Abdýllaeva, Sulýshash Dosybek syndy aq halatty abzal jandarǵa alǵysym sheksiz.
Qalılýlla ÁBJÁLIEV,
zeınetker
Qyzylorda oblysy,
Jalaǵash aýdany
