Jobany iske asyrý nátıjesinde bizdiń sportshylar 2024 jyly Parıjde ótetin Jazǵy Olımpıada oıyndaryna qatysýǵa 20 lısenzııa alady, sondaı-aq 5 medal alý múmkindigine ıe bolady dep josparlanýda.
Bul tujyrymdama qaladaǵy sport ındýstrııasyn damytýdyń negizgi baǵyttaryn kórsetedi. Atap aıtqanda, jańa sport nysandaryn salý jáne qaıta qalpyna keltirý, aýla sportyn damytý, bilim berý júıesimen tyǵyz baılanys ornatý, jalpy bilim beretin mektepterde rezerv daıarlaý, sporttyq jabdyqtarmen qamtamasyz etý, sondaı-aq jattyqtyrýshy kadrlardy tartý jáne óz kadrlaryn daıarlaý.
Sonymen qatar tujyrymdamada "Damu" baǵdarlamasy boıynsha sportshylar men jattyqtyrýshylardy turǵyn úımen qamtamasyz etý, sport ınfraqurylymyn damytý jáne sportshylardy daıarlaý úshin jeke ınvestorlardy tartý máselesi qaralǵan. Budan bólek 2020-2024 jyldary qalada joǵary dárejedegi jarystar ótkizý josparlanýda.
Basqarma mamandarynyń málimetinshe, sport ındýstrııasyn damytý tujyrymdamasynyń iske asýy - qaladaǵy sport salasynyń órkendep, sportshylardyń jarystaǵy jetistikterinen kórinis tabatyn bolady deıdi.
