Aımaqtar • 09 Tamyz, 2020

Jambyl oblysynyń Shý aýdanynda bıyl 128 kóshe jóndelýde

22 ret kórsetildi

Oblys ákimi Berdibek Saparbaevtyń Shý aýdanyna jasaǵan jumys sapary barysynda joldar salý jáne jóndeý, sondaı-aq sýarmaly sýmen qamtamasyz etý jaıy basty nazarǵa alyndy. Bul týraly Jambyl oblysy ákimdiginiń baspasóz qyzmetine silteme jasaı otyryp Egemen.kz habarlaıdy.

Aımaq basshysy aldymen avtojol salasyndaǵy eń iri joba – Merki-Shý-Býrylbaıtal tas jolynyń 266 shaqyrymdyq qurylysyna erekshe nazar aýdardy. Qytaılyq merdiger kompanııa ókiliniń aıtýynsha, jumystarǵa 500-ge jýyq adam men 271 tehnıka jumyldyrylǵanymen, bir qaraǵanda, bul jerden ondaı jumysshylardyń sany baıqalmaıdy. Qalǵandary  zerthana, usaqtaý qondyrǵysyna qyzmet kórsetý sekildi  bólimshelerde eńbek etýde.

Búgingi tańda 18 shaqyrymǵa asfalt, 20 shaqyrymǵa negizgi jol jabyndysy  tóselgen. Jańa asfaltbeton zaýytyn iske qosý-retteý jumystary aıaqtalypty. Merdiger tas joldyń bir baǵytyn osy jyly aıaqtaýǵa bergen ýádesin taǵy  da rastady. Degenmen asa senimdi emes desek te, olar tapsyrmany oryndaý úshin bar kúshin salmaq.  Berdibek Saparbaev №8 karerde qum óndirýdiń ruqsat etilgen kólemin ulǵaıtý máselesin sheshýge, sondaı-aq sheteldik mamandardyń Qazaqstanǵa sheteldik mamandardyń kirýine kómek kórsetýge ýáde berdi.

– Aýa raıy sýymaı turǵanda aldaǵy úsh aı ishinde barlyq topyraq jumystaryn aıaqtap úlgerý úshin eki aýysymda jumys isteý qajet. Másele týyndaǵan jaǵdaıda aýdan ákimine tikeleı habarlasyńyzdar, -– dedi Berdibek Saparbaev.

Oblys ákimi pandemııamen kúrestiń qıyn kezeńindegi bıznestiń áleýmettik jaýapkershiligi máselesin de kóńil bóldi. Qytaılyq ınvestorlar qorǵanys kostıýmderi men maskalar satyp alýǵa kómektesse, endi olar qaıyrymdylyq qoryna qarjy aýdarýǵa nıetti.

Qazan aıynyń ortasynda qýattylyǵy saǵatyna 140 tonna asfalt pen 150 tekshe metr qıyrshyq tas shyǵaratyn "Standart Constraction" JShS asfalt-beton zaýyty jumys isteı bastamaq. Quny 300 mıllıon teńge bolatyn nysannyń qurylysynda 40 adam ter tógýde. Seriktestik basshysy Muhambetaly Shalqarbekovtyń aıtýynsha, bıtým óndiretin zaýytty da iske qosý josparynda bar eken. Bul jobany aımaq basshysy qoldaıtynyn bildirdi, óıtkeni jergilikti jol qurylysynda  osy materıaldyń jetispeýshiligi  týyndap otyrǵany jasyryn emes.

«Merki-Shý-Býrylbaıtal» iri jobasynan basqa, Shý aýdanynda 128 kóshe, onyń ishinde Shý qalasynda 48 kóshe jóndeýden ótýde. Shaǵyn jobalardy úsh kompanııa jeńip alǵan desek, "Arhat-órkendeý" - 76 kóshe, "Altaı bıldıng" - 15 jáne "RZDI-Qurylys" - 37 kóshe. Aımaq basshysy Shý qalasynyń Qazaq kóshesinde jóndeý jumystaryn júrgizip jatqan «Arhat-О́rkendeý» JShS jetekshilerin áńgimege tartty. Atalǵan seriktestikke tıesili nysandardyń jalpy quny bir mıllıard teńgeni quraıdy, alaıda olardaǵy jumys qarqyny baıaý júrýde. Bul oraıda basqa merdigerlerdegi jaǵdaı da asa máz emestigi baıqalady.

- Aǵymdaǵy jyly tenderlerdiń 99 paıyzyn jergilikti kompanııalar júzege asyrýda. Sizder jumys jasaǵylaryńyz keldi, oǵan qol jetkizdińizder, al endi nege sapaly jumys atqarmaısyzdar? Eger sizder tapsyrylǵan sharýany belgilengen merzimde oryndaı almasańyzdar, onda sizderge degen senim joǵalady, - dedi Berdibek Saparbaev.

Aǵymdaǵy vegetatıvti maýsymda sharýalar sýarý sýyna qatysty qıyn jaǵdaıdy bastan ótkerýde.  О́zender taıaz bolyp, qoımalarynda sýdyń kaz mólsheri jınalǵan.  Bul shamamen 200 mıllıon tekshe metr ylǵal jınalǵan Tasótkeldiń tehnogendik rezervýaryna da qatysty. Alaıda, "Qazsýshar "RMK oblystyq fılıalynyń basshysy Qazybek Bedebaevtyń aıtýynsha, bul aǵymdaǵy jyly jergilikti sharýashylyqtardyń qajettilikterin qanaǵattandyrý úshin jetkilikti bolýy tıis. Búginde munda bógetti seısmıkalyq turǵydan nyǵaıtý jáne qoımaǵa ylǵal artyǵymen tolǵan jaǵdaıda avarııalyq sý aǵyzý júıesin qurý boıynsha jumystar júrgizý josparlanyp otyr.

Alaıda, oǵan áli erte. О́ıtkeni, syıymdylyǵy 620 mıllıon tekshe metr bolatyn qoımaǵa ylǵaldyń mol bolǵan jyldardyń ózinde  540 mıllıonǵa tekshe metr sý jınalǵandyǵy baıqalǵan. Oǵan qosa atalǵan joba óte qymbat, quny 1,9 mıllıard teńgege baǵalanýda.

"Eger qoımada kóp mólsherde sý bolmasa, onda avarııalyq sý aǵyzý nege kerek? Qazir biz úshin eń bastysy – ylǵaldyń múmkindiginshe kóp mólsherde saqtalýyn qamtamasyz etip, sý máselesinde kórshilerge  degen táýeldilikti sheshý. Sondyqtan máseleni  aýqymdy túrde sheshý kerek", dedi aımaq basshysy.

Onyń pikirinshe, Tasótkel sý qoımasynyń syıymdylyǵyn bir mıllıard tekshe metrge deıin ulǵaıtý baǵytynda jobany qaıta qaraý qajet, ol sýarmaly jerlerdiń kólemin edáýir arttyrýǵa múmkindik bermek. Bul mol ónim jınaý, jańa jumys oryndaryn qurý jáne jambyldyqtardy óz azyq-túligimen qamtamasyz etýge múmkindik beredi. Kóktemgi sý tasqyny kezde qumǵa sý jibermes úshin, rezervýardyń túbin tazalap, bógettiń qabyrǵasyn bıiktetý kerek. О́ńir basshysy eskızdik jospardy ázirleý úshin jobalaýshylardy shaqyrýdy tapsyrdy.

Munda Berdibek Saparbaev quny 1,6 mıllıard teńge bolatyn "A&T energo" kompanııasynyń sý elektr stansııasynyń ekinshi kezeginiń qurylys barysymen tanysty. Ol joba boıynsha stansııa qýattylyǵy 4,6-dan 9,2 MVt-qa deıin eselenbek. Búgingi kúni óndiriletin energııa Jambyl elektr jelileri júıesine jiberiledi desek, al energetıkalyq kompanııa jyl saıyn aýdandyq bıýdjetke 100 mıllıon teńgege deıin aýdarady.

Shý qalasyna jumys sapary kezinde aımaq basshysy jospardan tys aýdandaǵy úzdikterdiń biri sanalatyn jergilikti gımnazııaǵa arnaıy at basyn burdy. 1956 jyly irgesi qalanǵan eski ǵımaratqa birneshe jyl buryn qosymsha eki qabatty ǵımarat qosylǵan. Qazirgi ýaqytta bilim ordasynda jyly sanıtarlyq torap jabdyqtalýda. Munda 630 bala oqysa, jańa oqý jylynda birinshi synypqa 65 oqýshy qabyldanady. Qala gazben qamtylǵanyna qaramastan, gımnazııa áli kúnge deıin kómirmen jylytylady. О́ńir basshysy aýdan ákimi Nurjan Kalenderovke jylytý máselesin sheshýdi, sondaı-aq birinshi synyp oqýshylaryn dástúrli tásilmen oqytý jaıyn pysyqtaýdy tapsyrdy.

Sońǵy jańalyqtar

Elimizde jumyssyzdyq deńgeıi ósti

Qoǵam • Búgin, 10:03

2002 adam koronavırýstan emdelip shyqty

Koronavırýs • Búgin, 09:32

Dollar qaıtadan arzandaı bastady

Qarjy • Búgin, 09:22

Saryala qazdyń qańqyly estildi

Rýhanııat • Búgin, 08:51

Shyǵyrshyqtar jeńiske shaqyrady

Oqıǵa • Búgin, 08:50

Aqmolalyqtar Aqkólge qarap boı túzeıdi

Tehnologııa • Búgin, 08:40

Qor naryǵy qymbattady

Álem • Búgin, 08:33

La-Sýfrıer janartaýy oıandy

Álem • Búgin, 08:30

Baba amanatyna adaldyq

Rýhanııat • Búgin, 08:07

Medıatorlar qatary qalyńdaı túsedi

Qoǵam • Búgin, 08:05

Balýannyń alǵashqy altyny

Kúres • Búgin, 08:02

Nannyń qadir-qasıetin umytpaıyq

Qoǵam • Búgin, 08:01

PSJ ese qaıtardy

Fýtbol • Búgin, 07:59

Jarysty jeńispen bastady

Boks • Búgin, 07:56

Jaqaevtyń taqııasy

Rýhanııat • Búgin, 07:47

Shilikti aýylyn sý basty

Aımaqtar • Búgin, 07:44

Ekpe alý pýnkti meshitte de ashyldy

Qoǵam • Búgin, 07:35

Ever Given Mysyrda qaldy

Álem • Búgin, 07:28

Jer týraly zań Senatqa joldandy

Parlament • Búgin, 07:22

Baı men kedeıdiń arasy alshaqtap barady

Ekonomıka • Búgin, 07:15

SQO-da úshem dúnıege keldi

Aımaqtar • Keshe

Almatyda epıdahýal máz emes

Aımaqtar • Keshe

Uqsas jańalyqtar