2020 jyly Almaty oblysynyń fermerleri 970 myń gektarǵa jýyq egin ekti. Bul 2019 jylmen salystyrǵanda, 7,5 myń gektarǵa artyq. Dándi jáne burshaq daqyldary - 470 myń gektarǵa, maıly daqyldar - 154,7 myń gektarǵa, qant qyzylshasy 16 myń gektarǵa, júgeri - 86,5 myń ga, kartop - 40,3 ga, kókónister - 32,5 myń ga, baqsha daqyldary - 4,3 myń ga egildi.
Búgingi tańda fermerler 180 myń gektar jerden dándi jáne burshaq daqyldaryn jınady (jınalǵan alańnyń 38,2%-y). Qazirdiń ózinde 308 myń tonna astyq bastyryldy, oblys boıynsha ortasha ónimdilik 17,1 s/ga quraıdy.
Birinshi vıse-mınıstr A.Saparovtyń aıtýynsha, egin jınaý belgilengen jospar boıynsha júrip jatyr.
"Mınıstrlik pen ákimdikter fermerlerdi qarjy, janar-jaǵar maı, aýylsharýashylyq hımııa ónimderimen ýaqtyly qamtamasyz etý boıynsha jumystar júrgizdi. Osynyń bári tazartýdy byltyrǵydan erterek bastaýǵa múmkindik berdi", - dedi A.Saparov.
Sapar barysynda birinshi vıse-mınıstr "Baıserke-Agro" JShS-niń alqaptaryn aralap, "Ulttyq agrarlyq ǵylymı-bilim berý ortalyǵy" KeAQ júıesine kiretin aýyl sharýashylyǵy holdıngi men mamandandyrylǵan ǵylymı-zertteý ınstıtýttarynyń birlesken jumysynyń nátıjelerimen tanysty.
Aıta keteıik, jyl basynan beri QR Aýyl sharýashylyǵy mınıstrligi fermerlerge ǵylymı zertteýler júrgizý men ınnovasııalardy engizý shyǵyndaryn óteı bastady. Memlekettik kómek ǵylymı uıymdardyń qyzmetterin satyp alý shyǵyndarynyń 80% - yn jabady. Bul bıznes pen ǵylymnyń ıntegrasııasyn qamtamasyz etedi jáne aýyl kásipkerlerin ǵylymı zertteýler ınvestısııalaryna yntalandyrady.
Esterińizge sala keteıik, buǵan deıin habarlaǵanymyzdaı jappaı egin jınaý naýqany Aqtóbe, Almaty, Shyǵys Qazaqstan, Jambyl, Batys Qazaqstan, Qyzylorda jáne Túrkistan oblystarynda júrgizilip jatyr. Búgingi tańda 1 mıllıon gektarǵa jýyq egin jınaldy.
