WTA reıtınginde qazaqstandyqtar arasynan eń úzdik kórsetkish áli de Elena Rybakınaǵa tıesili. Úzdikter tiziminde ol 17 oryndy ıelenýde. Iýlııa Pýtınseva 33 satyǵa jaıǵassa, Zarına Dıas 64 oryndy enshileýde. Al kósh basynda – aýstralııalyq Eshlı Bartı. Ony rýmynııalyq Sımona Halep pen chehııalyq Karolına Plıshkova ókshelep keledi. Sondaı-aq, "TOP-10" oıynshynyń qataryna amerıkalyq Sofııa Kenın, ýkraınalyq Elına Svıtolına, kanadalyq Bıanka Vanessa Andreeský, nıderlandtyq Kıkı Bertens, shveısarııalyq Belında Benchıch, AQSh-tyń taǵy bir ókili Serena Ýılıams jáne japonııalyq Naomı Osaka enip otyr.
ATR reıtınginiń kóshin serbııalyq Novak Djokovıch bastap tur. Úzdik ondyqtyń qatarynda ıspanııalyq Rafael Nadal, aýstrııalyq Domınık Tım, shveısarııalyq Rodjer Federer, reseılik Danııl Medvedev, grekııalyq Stefanos Sısıpas, germanııalyq Aleksander Zverev, ıtalııalyq Matteo Berrettını, fransııalyq Gael Monfıs jáne belgııalyq Devıd Goffın syndy sańlaqtar bar. Jerlesterimiz arasynda Mıhaıl Kýkýshkınniń kóshi ilgeri. Álemdik reıtıngte ol 91 orynǵa turaqtady.
