1978 jyldan beri Ispanııanyń bas shaharynda úzdiksiz uıymdastyrylyp kele jatqan dúbirli dodada jer júziniń talaı jelaıaqtary bas qosyp, jarys kórigin qyzdyrýda. Erler men áıelderdi qos alǵanda eń zor tabysqa qol jetkizgen – Kenııa sportshylary. Qara qurlyqtan kelgen órender 26 márte (17 erler+9 áıelder) top jardy. Ekinshi oryndy jarys qojaıyndary ıelenýde. Pırneı túbeginiń túlekteri 22 ret (9+9) dara shyqty. Úshinshi satyǵa Efıopııa taban tiredi. Bul eldiń ókilderi 9 márte (2+5) jeńis tuǵyrynyń eń bıik satysyna kóterildi.
Byltyrǵy jyly ótken jarysta erler arasynda kenııalyq Reýben Kerıo shashasyna shań juqtyrmasa, áıelder saıysynda Shasho Insermý aldyna jan salmady.
