Almaty oblysynda bıylǵy jyly bilim salasynyń bıýdjeti 314,2 mlrd teńgeni qurap, byltyrǵy jylmen salystyrǵanda 108 mlrd teńgege artyp otyr.
"Jalpy oblysta áleýmettik salaǵa bólingen bıýdjet qarajatynyń 65% bilim salasyna baǵyttalady. Bul týraly búgin jańa oqý jylyna daıyndyq máseleleri týraly brıfıng ótkizgen Almaty oblysynyń ákimi Amandyq Batalov aıtty", dep habarlaıdy Almaty oblysy ákiminiń baspasóz qyzmeti.
"Oblystaǵy sanıtarlyq epıdemıologııalyq jaǵdaıǵa baılanysty bıylǵy jańa oqý jyly qashyqtyqtan oqytý formatynda bastalady. Biraq qashyqtan oqytý jas urpaqqa bilim berý, ony tárbıeleý isine eshqandaı kedergi bolmaýy tıis. Ol úshin biz barlyq qajetti jaǵdaılardy jasadyq", dep atap ótti A. Batalov.
Onyń aıtýynsha, bıylǵy jyly bilim salasynyń bıýdjeti 314,2 mlrd teńgeni qurap, byltyrǵy jylmen salystyrǵanda 108 mlrd. teńgege artyp otyr. Osyndaı múmkindikterdiń arqasynda óńirdegi bilim sapasy artyp keledi. Máselen, sońǵy 5 jylda bilim sapasy 10,8%-ǵa artyp, 65,4% jetken.
