Álemniń 70 elinde jetekshi bıznes júrgizip otyrǵan Eni S. p.a halyqaralyq kompanııasy jáne Eni S. p. a Korporatıvtik ýnıversıteti KAZGIýÝ Ýnıversıtetimen yntymaqtasa otyryp, birlese áreket etýge daıyn ekendikterin bildirdi. Bul kompanııa Qazaqstannyń munaı-gaz salasynda 90-jyldardyń basynan jumys isteıdi.
Yntymaqtastyq týraly úsh jaqty kelisimge qol qoıý kezinde 2020/21 akademııalyq oqý jylyna arnalǵan magıstrlik baǵdarlama ázirlenetin boldy. KAZGUU bıyldan bastap ekolog-zańgerlerdiń jańa býynyn daıarlaıdy. Bolashaq mamandar ekologııalyq quqyq jáne qorshaǵan ortany qorǵaý jónindegi, zańnama salasynda bilim alyp, daǵdylaryn jetildiredi.
Ekologııalyq quqyq jeke jáne zańdy tulǵalar úshin, memleket úshin mańyzdy bolǵandyqtan, bul bilim baǵdarlamasy barlyq taraptar úshin utymdy. О́ıtkeni KAZGUU energetıkalyq sektor úshin ekologııalyq zańgerlerdiń jańa býynyn tárbıeleýge kómektesedi, al memlekettik organdardyń mamandary úshin baǵa jetpes halyqaralyq tájirıbe bolmaq.
