О́z kezeginde el tynyshtyǵy men qaýipsizdigin qamtamasyz etetin polıseıler mal urlyǵy qylmysyn boldyrmaý, aldyn alý jolynda jedel-qyzmettik jumysynyń tıimdiligin arttyrýda.
Máselen, qyzylordalyq polıseılerdiń jedel áreketteriniń nátıjesinde táýlik ishinde oblys turǵynyna urlanǵan 4 jylqysy qaıtaryldy.
12 tamyz kúni Qazaly aýdanynyń 46 jastaǵy turǵyny jaıylymnan 4 jylqysynyń urlanǵandyǵy týraly polısııaǵa aryz berdi.
Dereý izdeý jumystaryna kirisken polıseıler kóp uzamaı barymtashyny qolǵa túsirdi.
Qazirgi ýaqytta ustalǵan kúdikti azamatqa qatysty Qazaqstan Respýblıkasy Qylmystyq kodeksiniń 188-1-babynyń 1-bóligimen sotqa deıingi tergep-tekserý amaldary júrgizilip jatyr.
– Búginde elimizdiń barlyq aýmaǵynda keń etek alyp otyrǵan mal urlyǵy qylmystarynyń tirkelýi oblys boıynsha byltyrǵy jylmen salystyrǵanda 37,4 paıyzǵa, ıaǵnı 230-dan 144-ke tómendedi. Mal urlyǵymen aınalysqan jalpy 67 adamnan, onyń ishinde 13 qylmystyq top quryqtalyp, sol toptarmen jasalǵan 43 epızod quraıtyn qylmystary áshkerelendi,– deıdi Qyzylorda oblysy Polısııa departamenti bastyǵynyń orynbasary Serik Shalqarov.
