О́ńir basshysy aldymen Nursultan Nazarbaev dańǵylyn abattandyrý jumysymen tanysty. Jobanyń jalpy quny - 500 mln.teńge. «Asanasdar» JShS merdiger kompanııasy qolǵa alǵan joba aıasynda 180 adam jumyspen qamtylǵan. Mamyr aıyndaǵy bastalǵan jumystar qyrkúıekke deıin tolyǵymen aıaqtalady dep josparlanyp otyr.
Munan keıin Gúlshara Ábdiqalyqova «Shuǵyla» yqsham aýdanyndaǵy №49, 50, 51, 52 úılerindegi jylý jelilerin qaıta jańǵyrtý jumystaryn kórdi. Qysqa daıyndyq barysy josparmen júzege asyp jatyr. Bul aýdanda qazir 2671 shaqyrym jylý qubyrlary jańǵyrtylýda. Aımaq basshysy jobamen aınalysyp jatqan «Sapaq» О́K-ge belgilengen merzimde, ıaǵnı, 21 qyrkúıekke deıin barlyq jumystardy aıaqtaýdy tapsyrdy. О́ıtkeni aýa-raıy kúrt sýysa barlyq jylytý júıeleri saqadaı saı bolý qajet.
Oblys ákimi «Lokomotıv» stadıonyn qaıta jańǵyrtý jumystarymen de tanysty. Oblystyq dene shynyqtyrý jáne sport basqarmasynyń basshysy Jaqsylyq Ospanov kúrdeli jóndeýden ótip jatqan sporttyq nysan jaıynda baıandady. Aıtýynsha, 19 maýsymda bastalǵan jumystar 4 aıy ishinde aıaqtalady. Joba aıasynda 70 adam jumyspen qamtylǵan. Onyń 35-i jumyspen qamtý ortalyǵy arqyly ornalasqan.
Sondaı-aq G.Ábdiqalyqova Aqsýat aýyldyq okgrýgindegi 38 jyldyq tarıhy bar №143 orta mektepke bardy. Munda 624 oqýshy bilim alady. Jumyspen qamtýdyń jol kartasy aıasynda kúrdeli jóndeýden ótip jatqan bilim ordasy jańa oqý jylynyń bastalýyna oraı paıdalanylýǵa beriledi. Odan bólek Aqsýatta «Aýyl – el besigi» jobasy aıasynda 462 mln.teńge qarjyǵa abattandyrý jumystary júrgizilip, turǵyndardyń ıgiligine berilýde.
Oblys ákimi Qyzylorda qalasynda atqarylyp jatqan jumystarǵa oń baǵasyn berip, árbir nysan merdigerlerdiń belgilengen merzimi negizinde el ıgiligine berilý kerektigin basa aıtty.
Jalpy «Jumyspen qamtýdyń Jol kartasy» aıasynda oblys boıynsha 276 ınfraqurylymdyq jobany iske asyrýǵa 36,9 mlrd. teńge kóleminde qarjy bólindi, onyń ishinde Qyzylorda qalasynda 17,7 mlrd.teńgege 97 joba júzege asýda. Jumyspen qamtýdyń jol kartasy aıaqtalǵannan keıin, jańa nysandardyń qurylysy arqyly 452 turaqty jumys oryndary ashylady.
