15 tamyz kúni saǵat 21:30 shamasynda "102" nómirine Ál-Farabı aýdanynyń turǵyny balasynyń joǵalyp qalǵanyn habarlaǵan. Osy habarlama boıynsha Shymkent qalasy Polısııa departamenti Jergilikti polısııa qyzmeti basqarmasynyń Patrýldik polısııa polkiniń №966 avtoekıpaj qyzmetkerleri B.Ahmetov jáne S.Abılov shuǵyl izdestirý sharalaryna kirisken. Jaqyn aýmaqtardyń barlyǵyn qarap, turǵyndardan surastyrǵan.
Jedel is-árekettiń nátıjesinde úsh jasar búldirshin Ál-Farabı aýdany D.Qonaev kóshesinde ornalasqan kópqabatty úıdiń aýlasynan tabylyp, aman-esen anasyna jetkizildi. Balaqaıdyń anasy oqys oqıǵanyń aldyn alyp, ulyn din aman taýyp bergen polısııa qyzmetkerlerine sheksiz alǵysyn bildirdi. Osy oraıda, polısııa qyzmetkerleri barlyq ata-analarǵa óz balalaryna tıisti deńgeıde kóńil bólip, olardy qaraýsyz qaldyrmaýyn suraıdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
