Prezıdent • 20 Tamyz, 2020

Qasym-Jomart Toqaev Arys qalasyn qaıta qalpyna keltirý jumystarymen tanysty

37 ret kórsetildi

Byltyrǵy Arys qalasynda bolǵan jarylystan búlingen nysandardyń biri temir jol beketiniń ǵımaraty bolatyn. Prezıdent Túrkistan oblysyna sapary barysynda «Arys -1» temirjol vokzalynyń qazirgi ahýalymen, Arys qalasyn qaıta qalpyna keltirý jumystarymen tanysyp, turǵyndarmen kezdesti. Bul týraly Egemen.kz Aqordanyń baspasóz qyzmetine silteme jasap habarlaıdy.

"Shyn máninde, orasan zor jumys atqaryldy. Nátıjesi jaman emes. Memleket tarapynan qomaqty qarjy bólindi. Arys qalasyn qaıta qalpyna keltirýge elimizdiń barlyq aımaǵy atsalysty. Buzylǵan ǵımarattar jóndeldi, jańa úıler salyndy. Sonyń ishinde osy temirjol vokzaly da bar. Ǵasyrlyq tarıhy bar bul ǵımarattyń qala turǵyndary úshin mańyzdy ekeni túsinikti", – dedi Memleket basshysy.

Prezıdent byltyrǵy jarylys kezinde barsha qazaqstandyqtar Arystaǵy aǵaıynnyń jaǵdaıyna alańdaǵanyn, eriktilerdiń kómekke kelgenin, uıymshyldyqtyń arqasynda osyndaı aýqymdy jumys atqarylǵanyn, bul halqymyzdyń tatýlyǵynyń kórinisi ekenin aıtty.

"Barshańyz kórip otyrsyzdar, qazirgi pandemııa ahýaly eshkimge ońaı tıip jatqan joq. Kóptegen elder zardap shekti. Sondyqtan biz de qatań sharalar qabyldaýǵa májbúr boldyq. Qazir jaǵdaı birtindep turaqtalyp kele jatyr. Bul – eń aldymen, dárigerlerdiń eńbegi. Shuǵyl sharalardyń nátıjesi. Degenmen áli de saqtyq sharalaryn ustanýymyz kerek. Bosańsýǵa bolmaıdy. Biz Arysty qalaı birigip qalpyna keltirsek, bul dertti de solaı birlesip jeńemiz", – dedi Qasym-Jomart Toqaev.

Turǵyndar jarylys bolǵan kúni shuǵyl túrde túndeletip ushyp kelip, halyqpen kezdesip, jaǵdaıda únemi baqylaýda ustaǵan Prezıdent Qasym-Jomart Toqaevqa alǵystaryn aıtty. Jergilikti halyq Arys qalasy tolyqtaı qaıta jańarǵanyn, bul der kezinde qabyldanǵan sheshimniń nátıjesi ekenin, osyndaı syndarly sátte memlekettiń qamqorlyǵyn sezingenderin aıtyp, rızashylyqtaryn bildirdi.

 

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz


Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar