Jobanyń maqsaty — týrızm salasyn sıfrlandyra otyryp, ıdeologııalyq, aqparattyq-tanymdy dástúrli jarnamalyq shyǵyndardy azaıtý, zamanaýı tehnologııalardy qoldanýdyń keri baılanystaǵy rólin nasıhattaý bolyp tabylady.
AR-shymkent QR-kodynyń kómegimen týrıster óz smartfondaryna Shymkenttegi tarıhı eskertkishterdiń tarıhy, jaı-kúıi týraly aqparat ala alady. Iаǵnı AR-shymkent aýdıo, vıdeo, fotoaqparattardy ınteraktıvti nysanda jáne 3D nysanda kórýge múmkindik beredi.
Qalalyq sıfrlandyrý basqarmasy mamandarynyń aıtýynsha, jobada eki vırtýaldy aqparattandyrýshy qyzmet kórsetedi. Birinshisi — qalanyń geografııalyq jaǵdaıy týraly jol kórsetýshi vırtýaldy gıd bolsa, ekinshisi — sol nysannyń nemese tulǵanyń (eskertkishtiń) tarıhyn, ıa ómirbaıanyn aıtatyn vıdeobaıandamashy.
Qaladaǵy 103 qoǵamdyq orynda QR-kody bar 830 arnaıy belgi ornatylady. Atap aıtqanda kınoteatrlar, saýda úıleri, saıabaqtar, avtobýstar, qonaq úıler men qoǵamdyq oryndar tańdalǵan.
Qazirgi tańda jobany iske qosýshy kompanııamen kelisimshartqa sáıkes jumystar atqarylyp jatyr.
