Qazir polısııanyń qalalyq bólinisinde 56 jas qyzmetker jumys isteıdi. Olardyń qyzmeti koronavırýstyq ınfeksııanyń taralýyna qarsy is-sharalarmen sáıkes keldi. Sondyqtan tálimgerler men ardagerler olardyń polısııa ujymdarynda beıimdelý jónindegi tájirıbelerin dástúrli túrde estı almaǵan edi. О́ıtkeni, birinshi kúnnen qaýyrt jumystar shuǵyl bastalyp ketti. Al qyzmette bastapqy jaǵdaı jasalsa, jastardyń jumys ornyn ekinshi úıleri dep esepteýlerine septigin tıgizedi. Bul máselelerdi óziniń kirispe sózinde Petropavl qalasy PB bastyǵynyń orynbasary, polısııa polkovnıgi Saǵyndyq Temireev aıtyp ótti.
Barlyq sanıtarlyq normalar men áleýmettik qashyqtyqty eskere otyryp, uıymdastyrylǵan jınalysta sybaılas jemqorlyqqa qarsy zańnamany saqtaý jaıly da áńgime qozǵaldy. Oljaıly buryn qalalyq bólinistiń basshysy bolǵan, qazir ardager Abaı Ǵalıev bastady. Toqsanynshy jyldardyń qıyn kezeńinde jedel ýákilder men tergeýshiler keıde jaryqsyz, qajetti tehnıka men jylýsyz, qujattardy baspa mashınalarynda qolmen basyp, jumys istedi. «Qazirgi polısııaǵa barlyq jaǵdaı jasalǵan. Endi leıtenanttar men kapıtandardyń mindeti – únemi ózderin damytyp, shyǵarmashylyqqa jáne sportqa beıimdi ekendikterin kórsetý, árıne, bul jumys barysyna zııanyn tıgizbeýi qajet. Al, aǵa áriptesteri, taǵaıyndalǵan tálimgerler men ardagerler jastarǵa keńes berip, kómektesýleri kerek», - dep Abaı Ǵalıev ardagerlerdiń pikirin bildirdi.
Psıhologııalyq daıyndyq, qyzmette túrli eliktirgishterge qarsy tura bilý múmkindigi mańyzdy aspekt bolyp tabylady. Jýyrda taǵy birjaǵymsyz oqıǵa bolyp, aýdandyq bólinistiń jas ofıseri sybaılas jemqorlyq quqyq buzýshylyq jasaǵany úshin jumystan shyǵaryldy. Kadr saıasaty bóliminiń ınspektor-psıhology, polısııa kapıtany Mádına Moldınova kásibı sheberlikti qalaı arttyrý jaıyn, ondaılarǵa qalaı tótep berý jaıyn áńgimeledi.
