Qazir kommýnaldyq qyzmetkerler jylý jelilerin jóndeýmen aınalysýda. 2 kómirtozańdy qazandyǵynyń beriktigi tekserildi. Magıstraldyq jáne oramishilik jylý júıeleri de tekserýden ótkizilýde.
Sondaı-aq senator jylý magıstraldarynyń qurylysy men qaıta qalpyna keltirilýin tekserdi. Merdigerler materıaldar boıynsha tólemdi keshiktirý bolǵanyn, biraq qazir barlyq másele sheshilip, materıaldar kele bastaǵanyn, endi jumysty merziminde aıaqtaýǵa tolyq múmkindik bar ekenin habarlady. Búginde joba 70%-ǵa aıaqtalyp tur.
Kommýnaldyq jelilerdi jańartýmen qatar, Kókshetaýda turǵyn úıler, oqýshylar saraıy menjaǵalaý qurylystary júrýde. Senator densaýlyq saqtaý salasynyń qyzmetkerlerine arnalǵan 40 páterli úıdiń qurylysy júrip jatqan alańda boldy. Jergilikti bılik qazir qalada turǵyn úı keshenderi kóptep salynyp jatqanyn, ásirese olardyń basym bóligi «Qoljetimdi baspana» memlekettik baǵdarlamasynyń aıasynda boı kóterip jatqanyn atap ótti. Senator barlyq memlekettik baǵdarlamanyń iske asyrylýyna jáne salynyp jatqan turǵyn úılerdiń sapasyna qoǵamdyq baqylaýdy qamtamasyz etý qajettigin basa aıtty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
