Oıyn aldynda «Interdiń» bas jattyqtyrýshysy Antonıo Konte bylaı deıdi: «Jeńiske jetý úshin asa bir qushtarlyqpen oınaý kerek jáne kýbokty Italııaǵa qaıtarý kerek. Eger biz myqty bolsaq, onda kýbokty jeńemiz. Eger jigerlilik tanytpasaq, onda qarsylasymyzdy quttyqtaýǵa týra keledi».
Fınalǵa deıin «Inter» aldymen Chempıondar lıgasynda synǵa túsip óz tobynda úshinshi oryn aldy. Al Eýropa lıgasynda «Lýdogores», «Hetafe», «Baıer» jáne «Shahterdi» jarystan shyǵardy.
Sońǵy 15 jylda Eýropa lıgasynyń kýbogyn bes márte jeńip alǵan «Sevılıany» bul týrnırde basty fovorıtterdiń biri ekenin aıttyq. Alaıda fınalǵa ońaı komanda shyqpaıtynyn eskerý kerek.
Bir qyzyǵy, buǵan deıin «Sevılıa» Eýropa lıgasynyń jartylaı fınalynda bes ret oınap, barlyǵynda da fınalǵa shyqqan jáne barlyǵynda da jeńiske jetken. Endi mine, qatarynan 20 matchta jeńilmegen «Sevılıa» altynshy márte Eýropa lıgasynyń fınalyna shyǵyp otyr.
Iýlen Lopetegı, «Sevılıanyń» bas jattyqtyrýshysy: «Sheber Oıynshylary men jattyqtyrýshynyń úlken tájirıbesin eskerer bolsaq, «Inter» Chempıondar lıgasynda oınaýǵa laıyq komanda. Sondyqtan biz alańnyń barlyq qaptalynda meılinshe jaqsy oıyn kórsetýimiz kerek. «Interge» qarsy turý biz úshin óte qıyn».
Negizgi quramǵa mynalar shyǵýy múmkin:
«Sevılıa»: - Býný; Navas, Dıego Karlos, Kýnde, Regılon; Banega, Fernando, Hordan; Sýso, En-Nesırı, Okampos
«Inter» - Handanovıch; Godın, de Vreı, Bastonı; D'Ambrozıo, Barella, Brozovıch, Galıardını, Iаng; Martınes, Lýkaký
«Sevılıa» (Ispanııa)
ÝEFA reıtınginde: 8-oryn
Chempıonattaǵy oryn: 4 (sońǵy match: 19 shildede ótti)
Fınalǵa qalaı shyqty: A tobynda birinshi oryn, ChFR-men (1/16) 1:1, «Romamen» (1/8) 2:0, «Výlverhemptonmen» (1/4) 1:0, "Manchester Iýnaıtedpen" (1/2) 2:1.
Eýropa lıgasyn 5 dúrkin jeńimpazy: (2005/06, 2006/07, 2013/14, 2014/15, 2015/16)
Sońǵy ret 2015/16 maýsymda fınalda «Lıverpýldi» jeńdi.
«Inter» (Italııa)
ÝEFA reıtınginde: 33-oryn
Chempıonattaǵy oryn: 2-shi (sońǵy match: 1 tamyzda ótti)
Fınalǵa qalaı shyqty: Chempıondar lıgasynyń toptyq kezeńinen 3-oryn, 4:1 «Lýdogorespen» (1/16), 2:0 «Hetafemen» (1/8), 2:1 «Baıermen» (1/4), 5:0 «Shahtermen» (1/2).
Eýropa lıgasynyń 3 dúrkin jeńimpazy (1990/91, 1993/94, 1997/98)
