Oıyn bastala sala «Inter» surmergeni Romelý Lýkaký oń qaptaldan shabýyl jasap kórgisi kelgen. Onyń jolyna qarsy turǵan Dıego Karlos belgııalyqtyń jyldamdyǵyna ilese almaı, aqyry aıyp alańynyń ishinde shalyp jyqty. О́zi alyp kelgen penaltıdi Lýkaký (5-mınýt) sátti oryndap, esep ashty.
Úziliske qaraı «Sevılıa» Lıýk de Iongtyń dýbliniń arqasynda alǵa shyqty. Gollandııalyq shabýylshy 12-shi jáne 33-shi mınýtta gol soqty. Ekeýinde de baspen. Birinshi golyn ol komanda kapıtany Hesýs Navastyń oń qaptaldan áýele bergen pasyn golǵa aıdyrsa, ekinshisinde argentınalyq Ever Banegıdiń asyrǵan dobyn qaqpanyń oń jaq toǵyzdyǵa baspen dál kózdedi.
De Iongtyń ekinshi golynan úsh mınýt ótken soń, «Inter» qorǵaýshysy Dıego Godın tepe-teńdikti qalpyna keltirdi. Ýrýgvaılyq ta aıyp dobynan keıin gol soqty. Al oǵan dopty ádem jetkizgen horvat Marsello Brozovıch edi.
Al ekinshi taımda «Sevılıanyń» jeńisti golyn soǵýǵa «Inter» shabýylshysy Lýkaký «kómektesti». 74-shi mınýtta Baneganyń oń qaptalǵan áýelete asyrǵan dobyna Dıego Karlos birinshi bolyp jetken edi. Ol shalqalaı tepken dop qorǵaýshylarǵa kómekke kelgen Lýkakýdiń aıaǵyna tıip ketti de, óz qaqpasyna gol soǵyp aldy. Dál osy soǵylǵan gol «Sevılıaǵa» jeńis alyp keldi.
Sonymen «Sevılıa» Eýropa lıgasyn altynshy ret jeńip aldy. Buǵan deıin ıspan klýby Eýropa lıgasy kýbogyn 2006, 2007, 2014, 2015 jáne 2016 jyldary jeńgen edi. Sondaı-aq atalǵan ujym fınalda jeńilis tapqan joq. Andalýsııalyqtardyń bas jattyqtyrýshysy Hýlen Lopetegı buryn klýb deńgeıinde eshqandaı kýbokty jeńip almapty.
Eýropa Lıgasy
Fınal
«Sevılıa» (Ispanııa) – «Inter» (Mılan, Italııa) – 3:2 (2:2)
Goldar: Lýkaký, 5 (penaltıden) – 0:1; De Iong, 12 – 1:1; De Iong, 33 – 2:1; Godın, 35 – 2:2; Dıego Lýkaký (óz qaqpasyna), 74 – 3:2.
Dopty ıelik etý – 47% – 53%; soqqy – 14:9; dál soqqy – 5:4; buryshtama – 1:2; ofsaıd – 0:2; sary qaǵaz – 2:4; oıynshy almastyrý – 4:4.
«Sevılıa»: Býný, Hesýs Navas, Kýnde, Dıego Karlos (Gýdel, 86), Regılon, Djordan, Fernando, Banega, Okampos (Mýnır, 71), De Iong (En-Neserı, 85), Sýso (Franko Vaskes, 78).
«Inter»: Handanovıch, Godın (Kandreva, 90), De Vreı, Bastonı, D ' Ambrozıo (Aleksıs Sanches, 78), Barella, Brozovıch, Galardını (Erıksen, 78), Iаng, Lýkaký, Laýtaro Martınes (Mozes, 78).
Eskertý: Dıego Karlos, 4, Banega, 45-Barella, 41, Bastonı, 55, Galardını, 73.
Bas Tóreshi: Makkelı (Nıderland).
Keln. "Reın Energı". Germanııa
