Eki aqyn da aldyna qara salmaı qatarlasyp shaýyp jarasymdy, tartysty aıtys kórsetti. Tikeleı efır arqyly ótken aıtysqa 2000- nan astam adam daýys berdi. Jas aqyndardyń aryny men qarymyna razy bolǵan Júrsin Erman eki aqynǵa da aldaǵy respýblıkalyq aqyndar aıtysyna joldama berdi.
Sonymen aıtys qorytyndysyna sáıkes aqtyq synǵa shyqqan ekeýden basqa Nurıslam Ábdil – 2-shi, Muhammed Qonqaı – 3-shi oryndy ıelendi.
Aıtys sońynda óńirimizge kelgen qurmetti qonaǵymyz Júrsin Ermanǵa M.Qozybaev atyndaǵy soltústik Qazaqstan memlekettik ýnıversıtetiniń "qurmetti professory" degen ǵylymı kýálik tabystaldy.
Júldegerlerge oblys ákiminiń orynbasary Ǵanı Saqtaǵanov, osy aıtystyń demeýshisi, qyzyljarlyq atymtaı-jomart Jomart Omarov, aqyn Qaıyrly Ǵafýrov syılyqtaryn tapsyrdy. Aıtysty uıymdastyryp, ter tógip júrgen azamat Jarqyn Juparhan óziniń sózinde «tól ónerdi tórge ozdyrǵan oblystyq mádenıet basqarmasy men óńirlik tele arna ákimshiligine zor alǵysymyzdy bildiremn. Teriskeıdiń sóz ustaǵan aqyrdary men aıtyssúıer aqkóńil aǵaıynǵa aıtar alǵysymyz sheksiz», dedi.
Soltústik Qazaqstan oblysy
