Búgin Nur-Sultan qalasynyń №1 kópbeıindi aýrýhanasynda kúıikke qarsy jańa keshenniń jumysymen tanystyrý sharasy ótti. Kúıik jaraqatymen naýqastardy emdeýge mamandandyrylǵan jalǵyz bólimshe osy qalalyq aýrýhanada. Quny 30 mln teńgeden joǵary jańa apparattyń demeýshisi "EurasianResourcesGroup" kompanııasy.
"Bizdiń aýrýhanaǵa elimizdiń barlyq óńirlerinen pasıentter keledi. Munda dárigerler kólemdi kúıik jaraqattarymen, denesiniń 50%-dan artyq zaqymdanýymen shuǵyl jetkizilgen naýqastardyń ómirin saqtap qalý úshin jantalasyp qyzmet isteıdi. Bir jyl ishinde bólimshede 50-den astam naýqas em alyp shyǵady. Olardy joǵary bilikti mamandar emdeıdi. Jańa jabdyq dárigerlerdiń jumysyn áldeqaıda jeńildetedi jáne naýqastardyń tez qalpyna kelýine kómektesedi dep senemiz", deıdi №1 kópbeıindi qalalyq aýrýhana dırektory Marat Abdýov.
Kúıikke qarsy keshenge aýa-suıyqtandyrý tósegi, ýltradybystyq dıssektor jáne argonokúsheıtilgen koagýlıator kiredi. Kúıikke qarsy kereýet keshenniń mańyzdy quraýshylarynyń biri. Onyń jumysy kóterip kele jatqan aýa aǵynynyń áserinen jalǵan suıyqtyqqa, suıyqtandyrý kúıine aınalatyn sýsymaly materıaldyń (shyny kishkene sharlary) qasıetine negizdelgen.
Bul zardap shekken aımaqtardyń jumsaq tinderiniń qysylýyn, aýyrsynýdy azaıtady jáne kólemdi kúıikteri bar pasıentterde jazylý prosesin jyldamdatady. Kereýet aınalasyndaǵy keńistik zalalsyzdandyrylyp, arnaıy aýa aǵynymen keptiriledi. Kereýet elektrlik kótergishpen jabdyqtalǵan, ol dárigerlerge pasıentti qolarbadan kereýetke jáne qaıta kóterý kezinde pasıenttiń tepe-teńdigin saqtaýǵa múmkindik beredi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
