Búginge 263 myń ga dándi-masaqty daqyl (56%), 438 myń tonna dándi daqyl jınaldy, ortasha ónimdilik gektarǵa shaqqanda 16,7 sentnerdi qurap otyr. Astyqty syıymdylyǵy 771 myń tonna bolatyn 265 astyq qoımasy qabyldaýda, onyń ishinde 58,6 myń tonnalyq 2 lısenzııalanǵan astyq qabyldaý kásiporny da bar.
Oblystyq aýyl sharýashylyǵy basqarmasynyń málimetine qaraǵanda qant qyzylshasy 16,1 myń ga alqapqa sebilgen, 500 myń tonna ónim alyp, 48 myń tonnadan astam qant shyǵarý josparlanǵan. Búginge Aqsý jáne Kóksý qant zaýyttary tolyǵymen daıyn, qant qyzylshasyn qabyldaý qyrkúıektiń 2-shi kezeńinen bastalady.
Sonymen qatar sharýa qojalyqtary kartop jınaýǵa da kiristi. Bıyl ortasha ónimdilik 176,1 s/ga qurap otyr, bul ótken jylǵa qaraǵanda sál joǵary. Búgingi kúni kartop egilgen 40,3 myń ga jerdiń 8,6 myń gektary jınalyp, odan 150,8 myń tonna ónim alyndy.
Búginge qajettiniń 75,8%-y, ıaǵnı 2 mln tonnadan astam shóp jáne 983,7 myń tonna basqa da mal azyǵy daıyndaldy. Qystyq jáne jazdyq daqyldyń 42,9 myń tonnasy quıyldy, bul qajetti mólsherdiń 54,1%-yn quraıdy.
Barlyq tehnıka jóndelip, astyq jınaýǵa 1409 kombaın, 180 mehanıkalyq qyrman, 260 astyq tıegish, 203 dán atqysh, 160 astyq tazalaý mashınalary men 249 avtotarazy tartylǵan. О́nim jınaý naýqanyn der kezinde aıaqtaý úshin Energetıka mınıstrliginen bólingen 19,1 myń tonna dızeldik otynnyń keste boıynsha 3,9 myń tonnasy jetkizildi, onyń 1,8 myń tonnasyn aýyl sharýashylyǵy taýar óndirýshileri aldy. Sonymen qatar, sharýashylyqtar naryqtan 5 myń tonnasyn ózderi satyp aldy. Atqarylǵan is-sharalar jınaý jumystaryn ýaqytynda jáne sapaly aıaqtaýǵa múmkindik beredi.
Eske salsaq, bıylǵy jyly óńirdegi aýyl sharýashylyǵy daqyldarynyń egis alqaby 7 myń gektarǵa ulǵaıyp, 968,6 myń gektardy quraǵan.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
