Úkimet • 26 Tamyz, 2020

Qazaqstan Reseıden koronavırýsqa qarsy vaksına alýǵa kelisti

48 ret kórsetildi

Delegasııany Premer-Mınıstrdiń orynbasary Roman Sklıar basqardy. Reseı Úkimeti ókilderimen kezdesýlerde ónerkásiptik kooperasııanyń ózekti máseleleri, barlyq klınıkalyq synaqtar ótkizilgen jaǵdaıda halyqty tegin jáne erikti túrde ımmýndaý úshin COVID-19 vaksınasyn satyp alý jáne qoldaný máseleleri talqylandy. Bul týraly Egemen.kz Premer-Mınıstrdiń baspasóz qyzmetine silteme jasap habarlaıdy.

Osylaısha, Roman Sklıar ónerkásiptik kooperasııa jáne farmındýstrııa salasyndaǵy yntymaqtastyq máseleleri boıynsha RF ónerkásip jáne saýda mınıstri Denıs Mantýrovpen talqylaý ótkizdi. Taraptar Qazaqstan men Reseı arasyndaǵy saýda-ekonomıkalyq yntymaqtastyqty keńeıtý eki memlekettiń strategııalyq áriptestiginiń sıpatyna tolyq jaýap beretinin atap ótti. Kezdesý barysynda iri óndiristik kompanııalarmen: "KAMAZ" JAQ, "Peterbýrg traktor zaýyty" AQ, "EýroHım" MHK" AQ, "Hende Motor Manýfaktýrıng Rýs" JShQ jáne "GAZ" Grýppasymen birlesken jobalardy iske asyrý kezeńderi talqylandy.

Reseıdiń tikeleı ınvestısııalar qory men "SQ-Farmasııa" arasynda "Spýtnık V" vaksınasynyń kepildik berilgen kólemin synaqtardyń barlyq satylarynan ótkennen keıin bólý týraly ózara túsinistik týraly kelisimge qol qoıyldy. Qazaqstan úshin qajetti kólemdi N.F. Gamaleıa atyndaǵy epıdemıologııa jáne mıkrobıologııa ulttyq zertteý ortalyǵy júrgizýge daıyn. Bul rette, qaýip tobyna kiretin qazaqstandyqtar úshin ımmýndaý tegin jáne erikti negizde júrgiziledi jáne vaksına barlyq klınıkalyq synaqtardan ótkennen keıin ǵana múmkin bolady.

47

Sapar aıasynda sondaı-aq QR Densaýlyq saqtaý mınıstri Alekseı Soı men RF Densaýlyq saqtaý mınıstri Mıhaıl Mýrashkonyń arasynda kelissózder ótti, onyń barysynda koronavırýs ınfeksııasynyń taralýyna qarsy kúrestegi ózara is-qımyl máseleleri talqylandy, nátıjeleri boıynsha vedomstvolar arasyndaǵy odan ári yntymaqtastyq týraly hattamaǵa qol qoıyldy.


Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar