Parlament • 26 Tamyz, 2020

Nurlan Nyǵmatýlın: Májilis azamattyq qoǵam men syndarly usynystar úshin árdaıym ashyq

905 ret kórsetildi

Májilis tóraǵasy Nurlan Nyǵmatýlın depýtattyq korpýstyń zań jobalarymen jumys isteý barysynda sarapshylar qaýymdastyǵymen ózara is-qımyldy nyǵaıtý qajettigi týraly aıtty, dep habarlaıdy Egemen.kz QazAqparatqa silteme jasap. 

Bul týraly Palata spıkeri belgili qazaqstandyq saıasattanýshylarmen jáne sarapshylarmen kezdesýine talqylady, dep habarlaıdy Májilistiń resmı saıty. Nurlan Nyǵmatýlın Májilistiń azamattyq qoǵam men syndarly usynystar úshin árdaıym ashyq ekenin aıtyp, sarapshylar qaýymdastyǵy ókilderiniń zań jobalarymen jumys isteýdegi tájirıbesine toqtaldy. Bular eń aldymen, áleýmettik, ekonomıkalyq salalardy jetildirýge jáne Memleket basshysynyń saıası reformalaryn iske asyrýǵa arnalǵan zańdar.

Májilis tóraǵasynyń aıtýynsha, sarapshylardyń usynystary men pikirleri elimizdi damytýǵa jáne halyqtyń ál-aýqatyn arttyrýǵa baǵyttalǵan sapaly zańdardy daıyndaý úshin mańyzdy.

- Bizdiń ustanymymyz barlyǵyna belgili – ol árdaıym zań shyǵarýshylyq jumys barysynda sarapshylar tarapynan aıtylǵan usynystar men pikirlerdi barynsha esepke alý. Biz zań jobalarymen jumys isteý kezinde sizderdiń baǵalaryńyz ben tujyrymdaryńyzǵa súıený úshin sarapshylar qaýymdastyǵymen únemi baılanysta bolýǵa nıettimiz, – dedi Nurlan Nyǵmatýlın.

Sondaı-aq, Májilis tóraǵasy depýtattardyń zań shyǵarý jumysy kezekti parlamenttik sessııalar arasyndaǵy kezeńde de jalǵasatynyna nazar aýdardy. Nurlan Nyǵmatýlın atap ótkendeı, qazir Májilistiń zańnamalyq qorjynynda 72 zań jobasy bar bolsa, onyń 21-ne depýtattardyń ózderi bastamashy bolǵan.

Májilis spıkeri aldaǵy sessııada depýtattardyń zań shyǵarý qyzmetiniń basym baǵyttary týraly aıta kelip, Memleket basshysy Qasym-Jomart Toqaevtyń parlamenttik sessııanyń ashylýynda josparlanyp otyrǵan halyqqa Joldaýynyń oryndalýyn zańnamalyq qoldaýdy qamtamasyz etýdiń mańyzdylyǵyn atap ótti

Aldaǵy ýaqytta depýtattarǵa aýyldyq, aýdandyq, qalalyq deńgeıdegi bılikpen jaýapkershilikti keńeıtý máseleleri boıynsha Ekologııalyq kodeks jobasymen de jumys isteý mindeti tur. О́z kezeginde kezdesýge qatysýshylar «Jaıylymdar týraly» Zańdy tıimdi qoldaný, jeke tulǵalardyń bankrottyǵy jáne halyqtyń nesıelendirilýi men qoǵamdyq keńesterdiń jumysy sııaqty birqatar máselelerdi kóterdi. Otyrys barysynda sybaılas jemqorlyqqa qarsy zańnamany kúsheıtý jónindegi jumysta depýtattyq korpýs pen sarapshylar qoǵamdastyǵynyń yntymaqtastyǵyna erekshe nazar aýdaryldy.

Nurlan Nyǵmatýlın depýtattyq korpýs pen sarapshylar qaýymdastyǵynyń yntymaqtastyǵynyń nátıjesinde aýqymdy pikirlerdi eskere otyryp, sapaly zań jobalaryn qabyldaýǵa bolatynyna senim bildirdi.



Sońǵy jańalyqtar

Uqsas jańalyqtar