Qoǵam • 26 Tamyz, 2020

Elordalyq oqýshylar keńse taýarlaryn tegin aldy

22 ret kórsetildi

Bıylǵy jyly 1 qyrkúıekke arnalǵan dástúrli jıyn bolmaıtyny jáne kóptegen oqýshylar úshin birinshi toqsan qashyqtyq formatta ótetini belgili.Oqý jyly qarsańynda elordalyq jasotandyqtar kóp balaly jáne az qamtylǵan otbasylary oqýshylaryna mektep quraldaryn satyp alýǵa sertıfıkattar tabystady, dep habarlady Egemen.kz.

"Jas Otan" Jastar qanatynyń jetekshisi Elnur Beısenbaev atalǵan aksııa Qazaqstannyń barlyq óńirlerinde ótip jatqanyn atap ótti.

"Mektepke jol» aksııasy kóp balaly jáne az qamtylǵan otbasylaryndaǵy, sonymen qatar ata-ana qamqorlyǵynsyz qalǵan balalardy oqý jylyna daıyndaý boıynsha jyl saıyn ótetin respýblıkalyq aksııa bolyp tabylady. Jasotandyqtar osy aksııaǵa jylma-jyl belsendi qatysady. Qazirgi tańda aksııany bizdiń belsendiler Shyǵys Qazaqstan, Aqmola, Qyzylorda, Qostanaı, Batys Qazaqstan, Túrkistan oblystarynda ótkizip jatyr. Búginnen bastap bizge basqa óńirler de qosylady", dedi ol.

Oqýshylardyń ata-analary jasotandyqtarǵa kóńil bólip, qoldaý kórsetkenderi úshin alǵysyn bildirdi.

74

"Nur Otan" partııasyna jáne "Jas Otan" Jastar qanatyna únemi qoldaý kórsetkeni úshin alǵysymdy bildiremin. Tótenshe jaǵdaı kezinde bizge azyq-túlik sebetteri túrinde de kómek kórsetildi. Bizdiń belsendi jastarymyzǵa taǵy da alǵys aıtqym keledi", dedi kópbalaly ana Nurzııa Qurbanova.

Balalar men jas otbasylar árqashan jastar qanatynyń erekshe yqylasy men qamqorlyǵyna ıe. Osyǵan baılanysty Elnur Beısenbaev qazirgi tańda jastar arasynda talqylanyp jatqan 2025 jylǵa deıingi «Jastar-Otanǵa!» baǵdarlamasyna toqtalyp ótti.

"Biz úshin "Nur Otan" partııasynyń Jastar qanaty retinde óskeleń urpaqqa qoldaý kórsetý óte mańyzdy. Kishkentaı balalarymyzǵa otbasylyq qundylyqtardy boıyna sińirip, tárbıeleý bizdiń basty mindetimiz.  Sondyqtan jas otbasylardyń ómirin jaqsartý jónindegi mindetter bizdiń "Jastar-Otanǵa!" baǵdarlamamyzda kórinisin tapty", dedi Elnur Beısenbaev.

Aıta ketý kerek, sertıfıkattar elordanyń 20 oqýshysyna tabystaldy. Atalǵan aksııaǵa aýdandyq jasotandyqtar da atsalysýda.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar