Depýtat jol qozǵalysy qaýipsizdigin jaqsartý, karantındik shekteýler men quqyq buzýshylyqtardyń aldyn alý kezindegi kóńil kóterý oryndarynyń jumysy týraly aıtty. Sonymen qatar, Andreı Lýkın joldardaǵy jol-kólik oqıǵalaryn azaıtý, avtokólikter sanynyń únemi ósýi jaǵdaıynda jol oqıǵalarynan bolatyn áleýmettik jáne ekonomıkalyq zalaldy azaıtý, jol-kólik oqıǵalarynan zardap shekkenderge kómek kórsetý úshin mamandar daıarlaý, halyqty aqparattandyrý deńgeıin arttyrý jáne shekteý karantındik sharalary kezinde oıyn-saýyq oryndarynyń jumysyn baqylaýdy kúsheıtý boıynsha jumysty jaqsartý qajet ekenin atap ótti.
Sondaı-aq Andreı Lýkın onlaın rejımde aýdandyq prokýratýralardyń, Nur-Sultan qalasy ákimdigi apparatynyń qyzmetkerlerimen jergilikti ókildi jáne atqarýshy organdardyń, jergilikti ózin-ózi basqarý organdary men laýazymdy tulǵalardyń aktileriniń, áreketteriniń nemese áreketsizdiginiń zańdylyǵyn qadaǵalaý, sybaılas jemqorlyq quqyq buzýshylyqtar jáne ózge de ózekti máseleler men olardy sheshý joldaryn talqylady. Ákimdik qyzmetkerlerimen áńgime barysynda depýtat elorda turǵyndaryna memlekettik qoldaýdyń qoldanystaǵy quraldary, memlekettik baǵdarlamalardyń múmkindikteri jáne olarǵa qatysý erejeleri týraly múmkindiginshe kóbirek aıtý kerektigin jetkizdi.
Kezdesýler qorytyndysy boıynsha senator tıisti depýtattyq saýaldar joldaýdy kózdep otyr.
