Bul týraly onlaın rejimde ótken tamyz máslıhatynda málimdegen óńir basshysy Jeńis Qasymbek bıyl oblysymyzdaǵy muǵalim mamandyǵynyń bedelin kóterý úshin "Qaraǵandy oblysynyń bilim berý salasynyń qurmetti pedagogy" atty tós belgisiniń bekitilgenin atap ótti.
– Bul marapat úzdik pedagogtarǵa tapsyrylady. Onyń ıegerlerine 400 AEK mólsherinde aqshalaı syıaqy tólenedi – bul bir mıllıonnan astam teńge. Atalǵan marapattyń birinshi ıegerlerin sizderdiń kásibı merekelerińiz – Muǵalimder kúnine oraı anyqtaımyz, dedi oblys ákimi.
Jalpy, memleket pen jergilikti atqarýshy bıliktiń bilim berý júıesine degen erekshe nazary men naqty qamqorlyǵyn atap ótý kerek. Mysaly, osy jyldyń 1 qańtarynan bastap muǵalimderdiń eńbekaqysy orta eseppen 25%-ǵa ósti. "Dıplommen aýylǵa!" baǵdarlamasy aıasynda shalǵaıdaǵy eldi mekenderge baryp jumys isteýge nıet bildirgen jas mamandarǵa 70-ten 100 AEK mólsherine deıin kóterme eńbekaqy taǵaıyndaldy. Stýdentterdiń de shákirtqasy ósip, ol 25%-ǵa deıin ulǵaıtylǵan.
Sonymen qatar, tamyz keńesinde oblys ákimi óńirdegi bilim berý salasynyń ınfraqurylymyn damytý týraly da keńinen áńgimeledi. Aıta ketý kerek, bıyl oblystaǵy mektepterdi, bala baqshalar men kolledjderdi jóndeýge buryn-sońdy bolyp kórmegen qarjy – 16,8 mlrd teńge bólindi. Mysaly, bul qarajat ótken jylǵymen salystyrǵanda, shamamen úsh esedeı artyq. Budan bólek, bıyl oblystyń qalalarynda mektep oqýshylarynyń zamanaýı standarttarǵa saı jabdyqtalǵan eki jańa saraıy ashylmaqshy.
Bıyl koronavırýs pandemııasyna baılanysty, shuǵyl túrde qashyqtan oqytý júıesine kóshken ustazdar qaýymy jergilikti atqarýshy bılik tarapynan qoldaýsyz qalǵan joq. Ortaq múdde jolyndaǵy birlese is-qımyl etken áreketter óz jemisin berip, óńirdiń ustazdar qaýymy bul synaqtan da abyroımen ótti. Osyǵan oraı, jańa oqý jylynyń qarsańynda oblystyń 160 muǵalimi vedomstvolyq marapatqa ıe boldy jáne on pedagog oblys ákiminiń «Alǵys hatyn» aldy.
Bıylǵy tamyz máslıhatynyń jańa oqý jylynyń erekshelikterine arnalǵanyn aıta ketý lázim. Osy turǵydan kelgende, konferensııaǵa qatysýshylar qashyqtan oqytýdy uıymdastyrý jáne bilim sapasyn arttyrý máselelerin talqylady. Qalalyq jáne aýyldyq mektep oqýshylaryna arnalǵan jańa bilim jobalary usynyldy.
Eske salar bolsaq, bıyl bilim berý qyzmetkerleriniń dástúrli tamyz máslıhaty Zoom platformasynda jáne Facebook áleýmettik jelisinde onlaın rejimde ótti. Oǵan bilim qyzmetkerleri, ata-analar qoǵamdastyǵynyń jáne úkimettik emes uıymdarynyń ókilderi bar, barlyǵy on myńnan astam adam qashyqtan qatysty. Tamyz máslıhatyna arnalǵan jıyn jergilikti Saryarqa telearnasynyń tikeleı efırinde jáne YouTube-ta kórsetildi.
