Aımaqtar • 26 Tamyz, 2020

Almaty oblysynda turaqty jumys oryndarynyń basym bóligi aýyl sharýashylyǵynda

170 ret

kórsetildi

1 mın

oqý úshin

Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" baǵdarlamasy jumyssyzdyqpen kúreste ıgi yqpalyn tıgizip otyr. Atalmysh baǵdarlama sheńberinde osy jyldyń jeti aıynda Almaty oblysynda naqty 38 726 jumys orny quryldy. Jalpy jyldyq jospar 46 116 bolǵanyn eskersek, jospar 84% oryndalǵan. Sonyń ishinde memlekettik jáne úkimettik baǵdarlamalar sheńberinde - 22612, jeke bastamalar boıynsha – 16114 jumys orny quryldy, - dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Dınar KERIM

Almaty oblysynda turaqty jumys oryndarynyń basym bóligi aýyl sharýashylyǵynda

Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, turaqty jumys oryndarynyń basym bóligi, ıaǵnı 3426-sy aýyl sharýashylyǵyna jáne 4110-y qurylys salasyna tıesili. Tótenshe jaǵdaı rejımi kezinde de egis alqaptary men qurylys alańdarynda jumys toqtaýsyz júrip jatty. Sondyqtan jumyspen qamtýda osy eki salanyń alda bolýy zańdy. Sonymen qatar ónerkásipte - 674, kólik jáne logıstıka salasynda - 2, saýda salasynda - 980, bilim berý isinde - 577, densaýlyq saqtaýda - 503, ekonomıkanyń basqa da salalarynda 5355 jumys orny quryldy.