Aımaqtar • 26 Tamyz, 2020

Aralyq nátıjede bilim salasy ókilderi belsendiligin kórsetti

28 ret kórsetildi

"Nur Otan" partııasynyń Soltústik Qazaqstan oblystyq fılıalynda praımerızdyń alǵashqy 10 kúniniń aralyq qorytyndysy shyǵaryldy. Osy ýaqyt ishinde óńir boıynsha 600-ge jýyq adam qatysýǵa ótinim berdi, dep habarlaıdy Egemen.kz

Úmitkerlerdi usynatyn jáne tirkeıtin birinshi kezeń 17 tamyzda bastaldy. Osy kezde qazirge deıin bilim jáne ǵylym salasynyń ókilderi eń belsendi bolyp, olardan 270-ten astam ótinim kelip tústi. Partııaishilik irikteý úshin qujat tapsyrýshylar arasynda 35 jasqa deıingi jastar shamamen 30% quraıdy.

«Praımerızge qatysýshylardyń 40% - áıelder. Jas mólsheri boıynsha 35-ten 50 jasqa deıingi ótinim berýshilerdiń úlesi 42%. Qatysýshylardyń 270-i bilim berý, 70-i shaǵyn jáne orta bıznes, 52-i aýyl sharýashylyǵy salasynyń  qyzmetkerleri. Úmitkerler qatarynda qyzmet kórsetý, densaýlyq saqtaý, sport jáne mádenıet salasynyń ókilderi de bar», - deıdi «Nur Otan» partııasy SQOF tóraǵasynyń birinshi orynbasary Ásem Rahmetova.

Depýtat bolýǵa óńirdiń 8 kópbalaly analary da nıet bildirdi. Olardyń arasynda Jambyl aýdanynyń turǵyny Sáýle Suraǵanova bar. Áıeldiń aıtýyna qaraǵanda ol otbasylardyń múddelerin alǵa tartqysy keledi. Bes balanyń anasy ózekti máseleler týraly jaqsy biledi, óıtkeni ol áleýmettik qamsyzdandyrý bóliminiń basshysy bolyp jumys isteıdi. «Meniń usynysymnyń maqsaty – halyqtyń, onyń ishinde kóp balaly otbasylardyń múddelerin qorǵaý. Sessııalarda aýdandardyń ózekti máselelerin kóterý úshin, oblystyq máslıhatqa barǵym keledi. Bul halyqtyń ómirin jaqsartý úshin mańyzdy», - dedi úmitker.

Jastar ókilderi de jańa ıdeıalarymen praımerızge qatysýda. Mysaly, stýdent Zámzágúl Jumatova Petropavldaǵy «Jumysshy kentiniń» máselelerin sheshýge úmittenedi.

Soltústik Qazaqstan oblysy

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar