Senator óńirdegi jedel basqarý ortalyǵynda boldy. JBO bastyǵynyń aıtýynsha, jyl basynan beri "102" pýltine 100 myńnan astam dabyl qońyraýy túsken. Basty mindetterdiń biri qylmystarǵa der kezinde den qoıý jáne ashý bolyp qala beredi. Aǵymdaǵy jyldyń basynan beri beınebaqylaý kameralarynyń kómegimen 66 qylmys ashylyp, 17 myńǵa jýyq ákimshilik quqyq buzýshylyq anyqtaldy.
Oblystyq polısııa departamenti bastyǵynyń orynbasary 2017 jyldan bastap óńirde 39 "Avtoýragan" apparattyq-baǵdarlamalyq kesheni ornatylyp, jumys istep jatqanyn atap ótti. Bul keshender avtojoldardyń eń kóp júretin ýchaskelerine kirý jáne shyǵý joldarynda ornatylǵan jáne jol qozǵalysy erejeleriniń buzylýyn avtomatty rejımde tirkeýge múmkindik beredi. Jyl
basynan beri "Avtoýragandardyń" kómegimen 8 qylmys ashylyp, 30 myńnan astam quqyq buzýshylyq anyqtalǵan.
Senator karantın jáne engizilgen shekteýler kezeńinde azamattardyń quqyqtaryn qorǵaý, quqyq qorǵaý júıesin jańǵyrtý, sondaı-aq ákimshilik jáne qylmystyq zańnamany reformalaý máselelerin qozǵady. Vladımır Volkov zań shyǵarý salasynda júrgizilip jatqan jumystarǵa nazar aýdardy.
Oblystyq polısııa departamenti Kóshi-qon qyzmeti basqarmasynyń bastyǵy senatorǵa tótenshe jaǵdaı rejımi kezinde sheteldikterdiń elde bolý tártibin zańnamalyq deńgeıde retteý týraly usynys jasady.
"Qazirgi jaǵdaı Qazaqstan Respýblıkasynyń 2003 jylǵy 2 aqpandaǵy "Tótenshe jaǵdaı týraly" Zańyna jáne tótenshe jaǵdaı rejımi jaǵdaıynda shetel azamattarynyń elde bolý tártibin retteý máseleleri boıynsha birqatar basqa da zańnamalyq aktilerge ózgerister engizýdi talap etedi. Bul osyndaı kútpegen jaǵdaılar týyndaǵan kezde sheteldik azamattardyń kóz aldynda táýekelderdi boldyrmaý úshin jáne bizdiń elimizdiń ımıdji men tartymdylyǵyn saqtaý úshin mańyzdy", dedi Kóshi-qon qyzmeti basqarmasynyń bastyǵy.
О́z kezeginde senator bul usynysty Senattyń profıldi komıtetiniń aldaǵy otyrystarynyń sheńberinde talqylaýǵa ýáde berdi.
