Aımaqtar • 26 Tamyz, 2020

SQO-da 5 kún buryn joǵalǵan keıýana aǵash arasynan tabyldy

1051 ret kórsetildi

Jýyrda Petropavl qalasynyń bir turǵyny 75 jastaǵy sheshesiniń úıden shyǵyp ketip, qaıta oralmaǵanyn habarlaǵan. Qarttyń jady nasharlap, este saqtaý qabileti tómendegen eken. Mundaı jandar úıinen alysyraq ketse qaıtadan taýyp bara almaıtyny belgili, dep habarlaıdy Egemen.kz.

Qart áıeldi izdeýge polıseılermen qatar eriktiler de jumyldyrylǵan. Olar qalanyń barlyq aımaqtaryn, sonyń ishinde shetkergi kentterdi de súzip shyqqan. Biraq eshqandaı jerden keıýana tabylmaǵan.

Keıýana tek keshe, qaladan 40 shaqyrym jerdegi Mamlıýtka qalasynyń mańyndaǵy ormannan tabyldy. Orman ýchaskesin aralap júrgen qoryqshy sharshap-shaldyqqan qartty kórgende ol óziniń qaıdan kele jatqanyn jáne qaı jaqqa bara jatqanyn túsindire almaǵan. Qoryqshy dereý polısııaǵa habarlaǵan soń áıeldi baǵdarlar boıynsha tanyǵan qyzmetkerler ony aýdandyq polısııa bólimine jetkizedi.

"Ájeı baǵytynan adasyp, 5 kún boıy qaıda bolǵanyn aıta almady", deıdi SQO PD bastyǵynyń orynbasary, polısııa polkovnıgi Rýslan Nazarov.

"Izdestirý jumysyna qatysqan, ájeıdiń ómirine beı-jaı qaramaǵan qaıyrymdy jandarǵa, eriktilerge jáne áleýmetik jelilerdiń ákimgerlerine alǵys bildiremin. Eriktilerdiń kómegi erekshe, halyqpen ózara áreket – biz úshin quqyqtyq tártiptiń mańyzdy negizderiniń biri", dedi ol. Keıýananyń týystary polısııa men eriktilerge alǵystaryn aıtty.

Uqsas jańalyqtar