Qoǵam • 27 Tamyz, 2020

Ata-analar jınalysy ótti

224 ret kórsetildi

Elimizde jańa 2020-2021 oqý jylyna daıyndyq aıasynda mektepter ata-analar jınalysyn ótkizdi. Mektep ákimshiligi men synyp jetekshileri ata-analarǵa oqý jylynyń qalaı bastalatynyn egjeı-tegjeıli túsindirip, suraqtarǵa jaýap berdi.

Onlaın jıyn barysynda synyp jetekshileri oqýshylardyń ata-analaryna qazirgi pandemııa jaǵdaıynda mekteptiń qandaı oqytý formatyn tańdaǵanyn túsindirdi. Jańa oqý jyly qashyqtan bilim berý formatynda bastalady. Ata-analardyń tilekteri men ótinishteri boıynsha bas­taýysh synyp oqýshylary mektepke baryp oqı alady. Bul rette bilim alýshylar men pedagogterdiń dene qyzýy kún saıyn ólshenetin bolady. Kezekshi synypta sozylmaly aýrýlary joq balalar ǵana bilim ala alady (ótinishte kórsetiledi). Bir synypta oqýshy sany 15-ten aspaıtyn bolady. О́tinishterdi synyp jetekshileri qoljetimdi baılanys quraldary arqyly qabyldaıdy. «Kezekshi synypqa» qabyldaý 25 tamyzda bastalady.

1

Budan bólek, sanıtarlyq-epı­­demııalyq jaǵdaıy qolaıly aýyl­dyq eldi mekenderde oqý prosesi sa­nıtar­lyq qaýipsizdik sharalaryn saqtaı otyryp, dástúrli formatta júrgiziledi.

Ata-analar balalardy mektepke alyp kelip, úıine ózi alyp ketýi kerek. Kezekshi synyptarda sabaqtyń uzaqtyǵy 40 mınýtty quraıdy. Sabaq­tar arasyndaǵy úzilister ár synypqa ártúrli ýaqytta beriledi. Árbir ekinshi sabaqtan keıin kabınetterde jáne ár úzilisten keıin, aýysymdar arasynda, dálizderde, ylǵaldy tazartý jumystary júrgiziledi. Mektep ashanasy men býfettiń qyzmeti ýaqytsha toqtatyldy.

Bilim berý uıymdary zararsyz­dandyrýǵa arnalǵan quraldarmen, aıaq kıimdi zararsyzdandyrýǵa arnalǵan kilemshelermen, sanıtaızerlermen qamtamasyz etiledi.

Mektep formasyna qoıylatyn talaptar joıylmaıdy, biraq tıisti buıryqqa ýaqytsha ózgerister en­giziledi. Iаǵnı ata-analar jańa oqý jylynda (1 qyrkúıekten bastap 25 mamyrǵa deıin) balasyn mektepke mektep formasymen nemese basqa yńǵaıly kıimmen jiberýge qatysty sheshimdi ózi qabyldaıdy.

Shaǵyn jınaqty mektepterde oqıtyn oqýshylardyń ata-analaryna da sanıtarlyq sharalardy saq­­taý qajettiligi týraly aıtyldy. Sondaı-aq balalary qashyqtan oqı­tyn ata-analar úshin bilim berý plat­formalarynyń múmkindikteri kór­setildi. Aıta keteıik, Bilim jáne ǵylym mınıstrligi qandaı da bir bilim berý ınternet-platformasyn tańdaýǵa qatysty sheshim qabyldamaıdy. Árbir mektep qashyqtan oqytýdy uıym­dastyrýǵa negiz bolatyn ınternet-platformany ózi tańdaıdy.

1

О́tken oqý jylynyń tórtinshi toqsanyndaǵydaı, dúısenbiden jumaǵa deıin «Balapan» jáne «El-arna» respýblıkalyq telearnalarynda qosymsha bilim berý resýrsy retinde paıdalaný úshin telesabaqtar kórsetiletin bolady.

Sonymen qatar karantındik jáne shekteý sharalary jaǵdaıynda 1-11(12) synyptarda oqý jetistikterin baǵalaý júıesine qatysty ýaqytsha ózgerister engizildi. Jańa oqý jylynda toqsan saıyn bólim úshin 1 jıyntyq jumys jáne toqsan úshin 1 jıyntyq jumys júrgiziledi. Toqsandyq baǵalaý kún­delikti baǵalaý, BJB jáne TJB kór­setkishteri negizinde shyǵarylatyn bolady.

 

 

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar