Toıymsyz jandar osylaı bir kúnde úsh dúkendi tonapty. Polısııaǵa túsken aryzda barlyq úsh qylmystyń da ssenarııi bir bolǵan. Biraq kúdiktilerdiń aılasy iske aspady. Olar betperdeni betin jasyra kıgenimen baqylaý kameralaryndaǵy sulbalaryn úlkeıtip, naqtylaǵanda kimder ekeni báribir kórinip qaldy. Orgtehnıkanyń mundaı múmkinshiligi baryn kúdiktiler sezbegen sııaqty.
Petropavl qalasy ekinshi polısııa bóliminiń qyzmetkerleri urylardyń biri buryn sottalǵan «Jumysshy kentiniń» 30 jastaǵy turǵyny ekenin anyqtaǵan. Onyń qaıda, kimmen joldas bolyp júrgeni anyqtalǵan soń polısııa olardy ekinshi sybaılasynyń vokzal mańyndaǵy páterinen ustady. Qazir olardyń ústinen Qylmystyq kodekstiń «Tonaý» atty 191 baby boıynsha is qozǵalyp, tergeý júrgizilýde.
