IаDROLYQ QARÝSYZDANÝǴA QAZAQSTAN QOSQAN ÚLES

Keshe Memleket basshysy Nursultan Nazarbaev Reseı Prezıdenti Dmıtrıı Medvedevpen telefon arqyly sóılesti, dep habarlady Qazaqstan Respýblıkasy Prezıdentiniń baspasóz qyzmeti. Nursultan Nazarbaev Dmıtrıı Medvedevti tarıhı oqıǵamen – AQSh-pen arada Strategııalyq sha­býyl­dyq qarý-jaraq týraly jańa Shartqa qol qoıylýymen quttyq­tady. О́z kezeginde Reseı Prezıdenti ıadrolyq qarýsyzdaný men tarat­paý­dyń jahandyq úderisine qomaq­ty úles qosqan Qazaqstannyń ró­line joǵary baǵa berdi. Áńgime barysynda memleket basshylary Qyrǵyzstandaǵy ahýal­dy da talqylady. Taraptar bul el­de­gi ishki saıası daǵdarystyń aza­mat­tar arasynda kóptegen qurban­dyq­tarǵa ákelip soqtyrǵanyna alańdaýshylyqtaryn bildirdi. Memlekettik bıliktiń bolmaýyn buzaqy-tonaýshylar paıdalanýda. Nursultan Nazarbaev Qazaqstan­nyń EQYU-ǵa tóraǵa el retinde BUU hatshylyǵymen tyǵyz baı­lanysa otyryp, jaǵdaıdy jedel qalpyna keltirýge baǵyttalǵan tıisti sharalardy qolǵa alyp jat­qanyn atap ótti. Taraptar qan­tó­gisti jáne kúsh qoldanýdyń barlyq túrin meılinshe tez toqtatý qajet­tigin atap kórsetip, Qyrǵyzstannyń búkil aýmaǵynda quqyqtyq tártipti qalpyna keltirýdi jaqtaıtyn pikirlerin bildirdi.