«Astana» halyqaralyq qarjy ortalyǵynyń qatysýshysy – iKapitalist ınvestısııalyq jáne zaemdyq kraýdfandıngtik platformasy. Atalǵan platforma shaǵyn jáne orta bızneske jeke jáne zańdy tulǵalardan ınvestısııa tartýǵa jáne qaryz alýǵa kómektesedi, ıaǵnı shaǵyn jáne orta bıznestiń bırjasy deýge bolady. 2019 jyly AHQO postkeńestik elderde alǵash bolyp kraýdfandıng úshin retteý erejelerin qabyldady. Atalǵan erejeler elde osyndaı kraýdfandıngtik kompanııanyń qurylýyna túrtki boldy. Bul osy saladaǵy Qazaqstandaǵy alǵashqy kompanııa.
«Qazaqstandyq kásipkerler úshin jeke ınvestorlardan tikeleı qarjy tartý múmkindikterin usynamyz. Sonymen qatar kez kelgen qazaqstandyq endi joǵary paıyzdyq tabyspen ınvestısııa quıa alady. Platformamyzda sizderdi kútemiz!», - deıdi iKapitalist platformasynyń Bas atqarýshy dırektory Nurbek Raev.
iKapitalist platformasy arqyly qarajat tartý úshin bıznes myna talaptarǵa saı bolýy kerek: kompanııa kemi 12 aıdan beri jumys istep jatqan bolýy; tabysy jylyna 60 mln teńgeden kem bolmaýy kerek. Platformanyń Bas atqarýshy dırektory Nurbek Raevtyń aıtýynsha, shaǵyn jáne orta bıznes osy platforma arqyly negizinen myna úsh maqsatqa qarajat tarta alady: bıznesti damytý; aınalym kapıtalyn toltyrý jáne kelisimshartty oryndaý.
Jalpy, shaǵyn jáne orta bıznes úshin qarajat tapshylyǵy úlken máselelerdiń biri. Bankter qaryz berý úshin kepilzat suraıdy. Al iKapitalist platformasyna shyǵý úshin kepilzat qoıý kerek emes. Talaptary da jeńil. Iri bırjalarda aýdıtorlyq esepti qatań baqylaıtyny da anyq. Kóbine otbasylyq bıznes sanalatyn shaǵyn jáne orta bıznes sýbektileri úshin atalǵan alań úlken múmkindik.
Investorlarǵa keler bolsaq, kez kelgen qazaqstandyq azamat nemese kompanııa platformadaǵy shaǵyn jáne orta bızneske qarajat quıa alady. Jeke tulǵalar úshin mınımaldy kólem 300 myń teńge. Eger bankterge salynǵan depozıt aıyna teńgemen 12-14 paıyz ósetin bolsa, atalǵan platforma arqyly salynǵan ınvestısııa kemi 20 paıyzdan ósedi.
Platformaǵa shyǵyp otyrǵan kezekti kompanııalardyń biri – Art Price kompanııasy. Atalǵan kompanııa 2020 jyldyń mamyr aıynda iKapitalist platformasy arqyly 62,3 mln teńge qaryz alyp, ony ótep tastaǵan edi. Osy jolǵy ornalastyrý «KEGOK» AQ-men 965 mln teńge kólemindegi iri kelisimshartty oryndaý úshin aınalym kapıtalyn qamtamasyz etip, kompanııany ósirý múmkindikterin keńeıtedi jáne qarjylandyrý shyǵyndaryn azaıtady. Art Price kompanııasy qarqyndy damyp keledi. Kompanııa tabysy 2018 jyly 163 mln teńge, 2019 jyly 850 mln teńge boldy. Al 2020 jyly 1,7 mlrd teńgeniń kelisimshartyna qol qoıyldy.
Aıta keterligi, ashylǵannan bergi bir jyldaı ýaqyt ishinde platforma arqyly Geek Market dúkender jelisi, Barlau Qazaqstan, KazPromTrans-Servıs sekildi kompanııalar 20-30 mln teńge kóleminde qarajat tarta aldy. Investısııanyń jyldyq tabystylyǵy barlyǵynda keminde 24-26 paıyz aralyǵynda boldy.
«Qazaqstan men jalpy óńirde ShOB-ty qarjylandyrýdyń banktik emes balamaly kózderin damytý qajettiligin eskere otyryp, AHQO postkeńestik elderde alǵash bolyp FinTech Lab retteý alańyn iske qosyp, zaemdyq jáne ınvestısııalyq kraýdfandıngti retteý erejelerin qabyldady. Osylardyń aıasynda iKapitalist kraýdfandıng platformasynda oblıgasııalar ornalastyrylyp otyr. Kraýdfandıng platformasynda oblıgasııalardyń ornalastyrylýy AHQO-nyń qarjylyq tehnologııalar qyzmeti men ınvestısııa tartýdy damytý boıynsha óńirlik alań retinde rólin bekite túspek», - deıdi AHQO Qarjylyq qyzmetterdi retteý komıtetiniń Qarjylyq tehnologııalar boıynsha Basqarýshy dırektory Asylbek Davletov.
«Art Price kompanııasy 2011 jyldan bastap turaqty damyp kele jatyr. iKapitalist platformasy arqyly qazaqstandyq ınvestorlardan qarajat tartqannan keıin qazirgiden de iri jobalardy qolǵa alamyz», - deıdi «Art Price» dırektory Meder Satybek.
