Otyrysta Bıýro músheleri "Senim. Dıalog. Bolashaqqa nyq qadam – Nur Otan partııasynyń 7 serpini" atty partııa jumysyn "qaıta jandandyrý" baǵdarlamasynyń júzege asyrylýyn jáne partııaishilik saılaý ótkizýdi talqylady. Otyrysqa qatysýshylar aldynda sóılegen sózinde Elbasy qazirgi ýaqytta qoǵam tarapynan praımerızderge úlken qyzyǵýshylyq baıqalyp otyrǵanyn atap ótti.
– Adamdar eldiń qoǵamdyq jáne saıası ómirine belsendi qatysqysy keledi. Biz partııany qaıta júkteýdiń durys vektoryn tańdadyq. El problemalaryn birlesip sheshý úshin ashyq dıalogty qamtamasyz etý mańyzdy. Praımerızdiń mindeti – halyqtyq partııalyq tizimderdi qalyptastyrý. Básekelestik negizde joǵary qoǵamdyq qoldaýy bar, naqty jaǵdaıdy biletin bedeldi kóshbasshylardy, belsendi adamdardy tańdaý kerek, – dedi Qazaqstannyń Tuńǵysh Prezıdenti.
Nur Otan partııasynyń tóraǵasy praımerızge qatysýshylar jergilikti jerlerdegi kúrmeýi qıyn máselelerdi ashyq kóterip, kemshilikterdi anyqtap, naqty sheshimder usynýy tıis ekenin atap ótti.
– Biz óz óńirin jáne elin damytýǵa is júzinde atsalysýǵa daıyn barlyq adamdarǵa arnap "áleýmettik lıft" qurdyq. Qyrkúıek aıynda jergilikti baǵdarlamalardyń barlyq 216 jobasy jarııalanatyn bolady. Keńinen talqylaý elektoraldyq mindetterimizdi halyqtyń suranystary men muqtajdyqtaryna sáıkes keltirýge múmkindik beredi. Sondaı-aq bes jyldyq merzimge arnalǵan baǵdarlamalar halyqtyń pikirin eskere otyryp qaıta pysyqtalady, ár aýdan, qala jáne oblystyń bıýdjettik múmkindikterimen úılestiriledi, – dedi Nursultan Nazarbaev.
Elbasy partııaishilik irikteý kezeńderin júzege asyrý boıynsha sapaly uıymdastyrylǵan jumyspen qamtamasyz etýdiń mańyzdylyǵyna nazar aýdardy.
– Praımerızdi adal, ashyq túrde jáne barlyq qatysýshylarǵa teń erejelermen uıymdastyrý kerek. Partııaishilik úgit-nasıhat qyrkúıekte bastalady. Eldegi koronavırýs ınfeksııasy jaǵdaıyna baılanysty ony Densaýlyq saqtaý mınıstrliginiń usynystaryna saı ótkizý qajet. Barlyq qaýipsizdik sharalary qatań saqtalýy kerek. Halyq densaýlyǵy basty nazarda bolady, – dedi Qazaqstannyń Tuńǵysh Prezıdenti.
Partııa Tóraǵasy sóziniń sońynda eldiń ári qaraı damýy men qoǵam birligin nyǵaıtýda Nur Otan partııasynyń orny erekshe ekenin atap ótti.
"Partııa qazaqstandyqtardy, qoǵamnyń barlyq syndarly jáne salaýatty kúshterin biriktirýi tıis. Biz birligimizdi saqtaı otyryp qana kez kelgen qıyndyqqa tótep bere alamyz. Eldegi turaqtylyq pen tynyshtyqty saqtaý úshin jasalyp jatqan úılesimdi jumys asa mańyzdy", dedi Elbasy.
Nursultan Nazarbaev partııaishilik irikteý kezeńderin júzege asyrý boıynsha sapaly uıymdastyrylǵan jumyspen qamtamasyz etýdiń mańyzdylyǵyna nazar aýdardy.
Sondaı-aq májilis barysynda Nur Otan partııasy Tóraǵasynyń birinshi orynbasary B.Baıbek pen Bıýro múshesi, Qazaqstannyń Premer-Mınıstri A.Mamın baıandama jasady.
