Oblys ákimi úshjaqty memorandýmnyń ınvestısııa tartý jáne jumys oryndaryn qurýdaǵy mańyzyn atap ótti.
– Qazirgideı munaı óndirisi tómendegen ýaqytta óńir ekonomıkasyn ártaraptandyryp, óńdeý salasy men metallýrgııany qolǵa alý, aımaqty damytýdyń basty joly bolyp tabylady. Osy memorandýmǵa sáıkes "Taý-Ken Samuryq" aksıonerlik qoǵamy Shalkııa kenishinde birneshe áleýmettik nysandar qurylysyn júrgizýdi josparlap otyrǵanyn erekshe atap ótkim keledi. Máselen, Shalqııa kentine deıin uzyndyǵy 6 shaqyrym jol, Kenshiler saıabaǵy men alleıa jáne konteınerlik qonaq úı salý arqyly Quttyqoja bulaǵynyń aýmaǵyn abattandyrý oılastyrylyp otyr, dedi oblys ákimi.
Aıta ketý kerek, "Shalqııa" kenishinde taý-ken baıytý fabrıkasyn salý arqyly metallýrgııa salasyn bitirgen jas mamandardy jumysqa tartý kózdelýde. Bıyl kórshi memlekettiń jetekshi ýnıversıtetterin bitirgen 111 túlektiń 23-i metallýrg, al 21-i mashınıst. Munan bólek, bıylǵy jyly taý-ken isi jáne metallýrgııa salasynda tehnıkalyq jáne kásiptik bilim oshaqtaryn bitirgen 144 túlek bar.
– Osy ýaqytqa deıin ozyq tehnologııalyq bilimdi ıgerip kelgen bizdiń túlekterimiz óńirimizdegi – sement, kúkirt qyshqyly zaýyttary men "Fırma Balaýsa", "RÝ-6" jáne "Energoservıs" sekildi iri kásiporyndarǵa jumysqa ornalasty. Tájirıbemizdi ári qaraı jalǵastyrý maqsatynda sizderge 46 túlektiń tizimi joldandy. Memorandýmǵa sáıkes oblystaǵy kásibı bilikti metallýrgterdiń alǵashqy tolqynyn tárbıelep, qalyptastyramyz dep senim bildiremin,–dedi oblys ákimi Gúlshara Ábdiqalyqova.
Memorandým aıasynda "Taý-Ken Samuryq" aksıonerlik qoǵamy Shalqııa kenishinde birneshe áleýmettik nysandar qurylysyn júrgizý josparlanýda.
