Uzaq ýaqyttan bergi shyǵarmashylyq tynyshtyqtan soń teatr ujymy kórermenge jańa qoıylym daıyndaýda. Alaıda, endi jurt operaǵa burynǵydaı zalǵa lyq tolyp otyra almaıdy. Karantındik qashyqtyqty saqtaý maqsatynda teatr qonaqtary men qyzmetkerlerine qoıylatyn qatań talap bar. Iаǵnı, qyzmetkerler men kelýshilerge oryn 1 adamǵa 5 sharshy metrden eseptelip, ǵımarattyń tolymdyǵy 50 paıyzdan aspaýy qajet. Sondaı-aq áleýmettik araqashyqtyqty buzbaý úshin ujymdyq daıyndyqqa 30 adamnan artyq qatysýǵa bolmaıdy. Al sanıtarlyq epıdemıologııalyq talapty saqtaý ekibastan mindetti.
Búginnen bastap teatr qyzmetkerleri kezeń-kezeńimen jumysqa shyǵatynyn aıtqan "Astana Opera" teatry dırektorynyń orynbasary Aıjan Qurmanǵalıeva: "Segizinshi teatr maýsymyna daıyndyqty qaıta jalǵastyrdyq. Teatr ishinde 1,5 metrlik araqashyqtyq saqtalýy tıis. Sanıtaızerler qoıylady. Kórermen maska taǵyp kelýi qajet. Kirgen boıda dene qyzýy ólshenedi. Dene qyzýy joǵary adam anyqtalsa, bólek esik arqyly shyǵady. Kórermenge qyzmet kórsetý departamenti sanıtarlyq talaptyń saqtalýyn qadaǵalap turady", dedi.
