Aımaqtar • 01 Qyrkúıek, 2020

"Nur Otan" partııasy praımerıziniń birinshi kezeńi aıaqtaldy

37 ret kórsetildi

Keshe "Nur Otan" partııasy SQO oblysy fılıaly tóraǵasynyń orynbasary Ásem Rahmetova praımerızdiń birinshi kezeńiniń qorytyndylary týraly jýrnalısterge málim etti, dep habarlaıdy Egemen.kz.

"29 tamyzda partııa ishindegi saılaýdyń birinshi kezeńi – kandıdattardy usyný jáne tirkeý aıaqtaldy. Praımerızge qatysýǵa 653 adam ótinish berdi, 645 úmitker tirkeldi. Olardyń ishinde 12,7%, ıaǵnı 82 kandıdat Parlament Májilisine, 20,5%, ıaǵnı 132 kandıdat oblystyq máslıhatqa, 90,4%, ıaǵnı 585 kandıdat qalalyq jáne aýdandyq deńgeılerge depýtat bolýǵa úmitker bolyp otyr.

Tirkelgenderdiń eń kóbi - Petropavl qalasynda (114 adam), odan keıingi oryndarda Maǵjan Jumabaev (51 adam) jáne Taıynsha (49 adam) aýdandarynda boldy. Bir depýtattyq orynǵa eń kóp úmitker Petropavl qalasynda – 6 adam, M. Jumabaev aýdanynda – 4 adam, qalǵan 12 aýdanda 3 adamnan.

Azamattardyń 67% (430) ózin-ózi usyný quqyǵyn paıdalandy. Bastaýysh partııa uıymdarynan eki júzden astam kandıdat usynyldy. Áıelder men jastar joǵary belsendilik tanytty. Úmitkerler arasynda 40%, ıaǵnı 258 áıel, 26,4% ıaǵnı 170 adam 35 jasqa deıingi jastar.

Kandıdattardyń ortasha jasy - 44 jas. 19 jastaǵy eń jas jáne 72 jastaǵy eń ulǵaıǵan adam Petropavl qalasynda tirkeldi. Úmitkerler arasynda bilim jáne ǵylym salasynyń ókilderi 45,1%, ıaǵnı 291 adamdy qurap, eń kóbi bolyp otyr. ShOB salasynan - 12,6% (81 adam), aýyl sharýashylyǵy qyzmetkerleri-10,7% (69 adam),  3,4% (22) azamattyq sektor, BAQ, blogerlerden usynylǵandar", dedi óziniń sózinde Á.Rahmetova.

Kórip otyrǵanymyzdaı soltústikqazaqstandyqtardyń praımerızge qatysý belsendiligi joǵary bolǵan. Osynyń ózinen adamdardyń bolashaqtan úmiti zor dep aıtýǵa bolady.

 

Soltústik Qazaqstan oblysy

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar