"Biz táýelsiz Qazaqstannyń taǵdyry tarıh tarazysyna túsken syn kezeńde ómir súrip jatyrmyz. Sondyqtan Qazaqstan halqynyń sanasynda serpilis jasalýy kerek. Prezıdent óziniń Joldaýynda osy oıdy jetkizgisi keldi.
Bastysy osy synaq kezeńinde eń basty maqsattarymyzdan aınymaýymyz kerek. Maqsaty bar adamda jiger men qaırat ta bolady.
Pandemııa kezindegi taǵy bir másele – ınfodemııa. Osy kezeńde demokratııanyń ornyna haıpokratııa keldi. Mine sol haıpokratııanyń jolynda ketpeı, ózimizdiń basty maqsatymyzdan jańylmaı alǵa júrýdi úırenýimiz shart.
Al Prezıdenttiń Joldaýynan aldaǵy ýaqytta jasalatyn jumys óte kóp ekenin túsindik. Barlyq sala ózgeriske ushyraıdy. Sondyqtan, zamanmen birge júrip otyrýymyz kerek. Bılik te, azamattarymyz da osyǵan daıyn bolýy qajet.
Ol ne úshin kerek? Pandemııa kezinde ómirdiń barlyq salasyndaǵy kemshin tustar aıqyn kórindi. Sonyń bárin retteıtin basqa adamdar emes, ol ózimiz – qazaqstandyqtar", - dedi Dana Nurjigit.
