Akademııa basshysy Darhan Qydyráli Bilim mınıstri Emın Amrýllaevty jańa taǵaıyndalǵan qyzmetimen quttyqtap, jańa bastalǵan oqý jylyna sáttilik tiledi.
Aıta ketý kerek, bıyl Túrik akademııasynyń Ǵylymı keńesiniń kezekti is basyndaǵy tóraǵalyǵyn Ázerbaıjan Respýblıkasy qabyldap, qarqyndy jumys isteýde.
Áńgimelesý barysynda taraptar álemge taraǵan indet saldaryna qaramastan jasalyp jatqan jumystardy talqylap, ǵylym jáne bilim baǵytynda aldaǵy ýaqytta atqarylatyn birlesken jobalar jaıynda pikirlesti.
Sonymen qatar, qazan aıynyń basynda Abdýrrahım beı Hagverdıevtiń 150 jyldyǵyn jáne Ýzeır Gadjıbeevtiń 135 jyldyǵyna arnalǵan halyqaralyq onlaın konferensııa ótkizý týraly ýaǵdalasty.
О́z kezeginde, Emın Amrýllaev Akademııa basshysynyń qarasha aıynda Qazaqstanda ótetin uly oıshyl ál-Farabıdiń 1150 jyldyǵyna arnalǵan halyqaralyq konferensııaǵa shaqyrýyn qabyl aldy.
Sondaı-aq qazan aıynda Emın Amrýllaev Túrik akademııasynyń Ǵylymı keńesiniń kezekti otyrysyn ótkizýdi usyndy. Sóz sońynda Bilim mınıstri Halyqaralyq Túrik akademııasynyń qyzmetine joǵary baǵa beretinin atap ótti.
