- Baıqaýdyń maqsaty men mindetteri:
- qazaqstandyq avtorlardy qoldaý;
- teatr repertýaryn jańa týyndylarmen tolyqtyrý;
- jańa kórkemdik keńistikterdiń ıgerilýine jol ashyp, dramatýrgııada jańa esimderdiń paıda bolýyna jáne olardyń kásibı ósýine múmkindik týdyrý.
- Baıqaýdy ótkizý merzimi:
- pesalar 2020 jyldyń 1 qyrkúıeginen 2021 jyldyń 1 naýryzyna deıin qabyldanady;
- baıqaý nátıjesi 2021 jyldyń 27 naýryz – Halyqaralyq teatr kúnine oraı jarııalanady.
- Baıqaýdyń ótkizilý tártibi:
Baıqaý kelesi nomınasııalar boıynsha ótkiziledi:
- úzdik tarıhı monodrama;
- úzdik zamanaýı monodrama;
- úzdik ınssenırovkalyq monodrama.
* * *
- baıqaýǵa respýblıka azamattary jáne sheteldegi qandastarymyz qatysa alady;
- baıqaýǵa qazirgi teatr talabyna saı jazylǵan, buryn qoıylmaǵan, jarııalanbaǵan, ózge baıqaýlarǵa qatyspaǵan jańa monodramalar, monoınssenırovkalar (avtor týraly málimettermen jáne avtor sýretimen qosa) joldanýy shart;
- avtorlar birneshe nomınasııaǵa qatysa alady, nomınasııada kórsetilgen árbir janrǵa bir shyǵarma ǵana usynylady;
- baıqaýǵa usynylatyn pesalar kompıýterlik 20 betten aspaýy tıis (shrıft Times NewRoman-14);
- monodrama, monoınssenırovkalar teatr_auezov@bk.ru elektrondy poshtasyna MONODRAMA BAIQAÝYNA degen taqyryppen joldanýy shart;
- baıqaýǵa túsken shyǵarmalardy kásibı mamandardan turatyn Sarapshylar keńesi saraptaıdy.
- Baıqaý qorytyndylary boıynsha:
- úzdik dep tanylǵan bir monopesa ne monoınssenırovka teatr repertýaryna alynyp, sahnalanady;
- kórkemdik turǵydan saraptan ótken birneshe týyndy kórermender nazaryna telespektakl túrinde usynylady;
- sonymen qatar sátti dep tanylǵan keı monopesalardy rejısserlik, akterlik laboratorııalarda oqý, sondaı-aq jeke jumystar túrinde qoıý uıymdastyrylady.
