"Balalarǵa qatysty júrgiziletin profılaktıkalyq jumystar karantındik talaptarǵa baılanysty toqtatyldy. Endi buny ustazdarmen birlesip qaıta jandandyrmaqpyz", deıdi SQO PD bastyǵynyń birinshi orynbasary polısııa polkovnıgi Qanat Aıtbaev.
– "Joldaǵy, kóshelerdegi balalardyń tártibin boıǵa sińirý otbasynda ata-analardyń ózderimen qolǵa alynýy qajet. Búldirshinder eresekterge qarap boı túzeıdi. Ata-analar ózderiniń ǵana emes, balalarynyń da densaýlyǵy men ómirlerin qaterge tigip, jol júrisi qaǵıdalaryn buzyp jatady", dedi ol.
Ata-analardyń ózderi jol tártibin buzatyn oqıǵalar da kóp. Máselen, Petropavlda 2 qyrkúıek kúni Jambyl kóshesinde patrýldik polıseıler eki balasyn jetektep ruqsat etilmegen jerden kósheni kesip júgirip ótpek bolǵan áıeldi toqtatty. Polıseılerdiń aıtýlarynsha, jaýapkershilikke tartylýy ol úshin sabaq bolýy tıis. О́ıtkeni balalarynyń qaýipsizdigin ár ata-ana ártinnen oılaýy tıis.
Jyl basynan oblys joldarynda kámeletke tolmaǵan balalardyń qatysýymen 16 jol-kólik oqıǵasy tirkeldi. Bir bala qaıtys bolyp, 20-sy dene jaraqattaryn aldy. Kóp jaǵdaıda zardap shekken balalar – jaıaý júrginshiler bolǵan. Mundaı 9 fakti tirkeldi. Jalpy oblys joldarynda 17 jaıaý júrginshi kóz jumyp, 150-i jaraqattar alǵan.
8 aıdyń ishinde Soltústik Qazaqstan oblysynyń joldarynda Jol júrisi qaǵıdalarynyń túrli 30608 buzýshylyǵy tirkeldi. Olardyń árbir ony jaıaý júrginshilerdiń kinásinen bolǵan.
