«Nur Otan» partııasy oblystyq fılıaly Saıası keńesiniń otyrysynda saıası uıymnyń kezekten tys HV seziniń sheshimderi jáne Elbasy – partııa Tóraǵasy Nursultan Nazarbaevtyń sóılegen sózderinen týyndaıtyn mindetter talqylandy.
Alqaly basqosýǵa qatysqan aýmaqtyq fılıaldardyń tóraǵalary men olardyń birinshi orynbasarlary, sezd delegattary, jergilikti máslıhattardyń depýtattary, «Jas Otan» jastar qanatynyń belsendileri men BAQ ókilderi aldynda fılıal jetekshisi, aımaq basshysy Samat Eskendirov sóz sóıledi.
«Nur Otan» partııasy oblystyq fılıaly Saıası keńesiniń otyrysynda saıası uıymnyń kezekten tys HV seziniń sheshimderi jáne Elbasy – partııa Tóraǵasy Nursultan Nazarbaevtyń sóılegen sózderinen týyndaıtyn mindetter talqylandy.
Alqaly basqosýǵa qatysqan aýmaqtyq fılıaldardyń tóraǵalary men olardyń birinshi orynbasarlary, sezd delegattary, jergilikti máslıhattardyń depýtattary, «Jas Otan» jastar qanatynyń belsendileri men BAQ ókilderi aldynda fılıal jetekshisi, aımaq basshysy Samat Eskendirov sóz sóıledi.
Baıandamashy «Nur Otan» partııasynyń kezekten tys HV seziniń tarıhı mańyzyna toqtala kelip, osynaý saıası jıynǵa Qyzyljar óńirinen 62 delegat qatysqanyn, partııanyń Saıası keńesiniń jańartylǵan quramyna «Mámbetov jáne K» komandıttik seriktestiginiń bas dırektory Erkebulan Mámbetov pen Til jáne ádebıet ınstıtýtynyń dırektory Janar Talasbaevanyń, Tekserý komıssııasynyń quramyna oblystyq máslıhattyń depýtaty Raıhan Ábdirahmanovanyń engenin jetkizdi. Nursultan Nazarbaev kóshbasshy partııanyń jeti mindetin aıqyndap, aldymyzǵa úlken mejeler qoıdy. Forýmda qabyldanǵan Saıası doktrına el damýynyń uzaq jyldarǵa arnalǵan mańyzdy qadamdaryn belgilep berdi. Budan bylaı patrıottyq kúsh, jalpyulttyq birliktiń ortalyq býyny, azamattyq qoǵamnyń kóshbasshysy, ekonomıkalyq jáne áleýmettik ınnovasııalardyń jalpyulttyq epısentri, jalpyhalyqtyq baqylaýdyń basty quraly, jastar belsendiligi basym baǵyttar retinde jan-jaqty qoldaý tabatyn bolady, dedi óńir basshysy.
Samat Saparbekuly «Qazaqstan-2050» Strategııasyn júzege asyrýǵa baılanysty óńirde atqarylyp jatqan sharalarǵa toqtalyp, basty mindet Strategııa men Doktrına talaptaryn buljytpaı oryndaý bolyp tabylatynyn qadap aıtty. Partııa Tóraǵasy atap ótkendeı, Qazaqstan álemniń eń damyǵan 30 memleketi qataryna qosylý jolynda ustanǵan baǵdarynan aınymaıdy. Oǵan elimizdiń ekonomıkalyq áleýeti, halqymyzdyń kúsh-jigeri tolyq jetedi. О́zimizdi udaıy qamshylap, alǵa umtyla bilsek qana «Qazaqstan-2050» Strategııasyndaǵy bıik maqsattardy oryndaýǵa qol jetkizemiz. Al bul ár nurotandyqtan belsendi is-qımyl kútedi.
Saıası keńes otyrysynda oblystyq máslıhattyń hatshysy Qaıyrly Ediresov, Petropavldaǵy qazaq mektep-gımnazııasynyń dırektory Gúljan Jaqanova, ishki saıasat basqarmasynyń basshysy Salaýat Muqsımov, «Nur Otan» partııasy Shal aqyn aýdandyq fılıaly tóraǵasynyń orynbasary Elena Kýzıcheva, «Jas Otan» jastar qanatynyń oblystyq fılıalynyń atqarýshy hatshysy Musa Tanaqulov sóılep, usynys-pikirlerin ortaǵa saldy.
О́mir ESQALI,
«Egemen Qazaqstan».
Soltústik Qazaqstan oblysy.
